Isaya 48 - Udél Dwata: Gna Kesfasad ne Lomi Kesfasad

Yóm kóyô Dwata bè yó kem tauhen

¹⁷ Ni se udél yóm Dwata laen dù belenen yóm lemwà tekuy kem tau Israél yóm gónó tekuy mogot, yó monen, “Ou se yóm Dwata gónó ye mogot. Teye móyô tô tmolok kuy yóm hol hyu bélê ye. Móyóe malak kuy bè yóm lan hyu mò lolò ye.

¹⁸ Ke deng tehe hnungol ye yó kem hlauhu kuy, sana klelen he yóm kenek nawa ye lómón lel él. Ne sana kehlósu hegmò kuy bè yó kem hohon ye, lómón keseflósen gedkol ebè kilil yóm lewók mohin.

¹⁹ Ke deng tehe hnungol ye, deng le tey mobung ne yó kem sfu ye lómón kwen le helek. Ne lemwót bè yóm kofinu kul laen dù tau gembek gemlà kul.”

²⁰ Yó ne hewà ye gu bè Babilun, laen dù bud gónó ye gfét bè yó ne. Hol ye hligal mensag. Hol tulón ye bè klamangen yóm deng kehewà Dwata kuy kem kun tau Israél, kem tau tóbóng lówóhen.

²¹ Bè yóm tehe kalak Dwata yó kem tauhen ekni, mlan le bè yóm tey benwu kinì alì sidek kékéng tonoken. Ewenem là kô le glayam mlan bè kleeng le. Tódô hesut Dwata gu lem botu yóm mò él le. Tódô heskangen yóm tey botu bong, tódô hesut gu lemen se yóm tey él.

²² “Okóm,” mon Dwata, “yó kem tau gel mò sidek, laen kô kul kenek nawa.”