Late 93 - Tedim Bible

Pasian’ Liatna

¹ Topa maang hi; liatna tawh kumpipuan kisilhsak hi; Topa, kumpipuan kisilhsak a, thahatna tawh kidim hi. Hi hi, leitung kikip sak a, kiling ngei lo ding hi;

² taanglai pek panin na tokhom a kipsa hi a, nang in a tawntung-a om na hi hi.

³ Topa aw, gunte hong khangto-in, gunte in a aw uh hong sangsak a, gunte, nakpi takin hong ging hi.

⁴ A sangna-a om Topa vanglian hi, tui tampi gingte sangin vanglian zaw hi, tuipi hualte sangin vanglian zaw hi.

⁵ Na thupiaknate in a hi taktak ahi hi; Topa aw, siangthona in a tawntungin na inn tawh a kilawm hi.