Late 87 - Tedim Bible

Pasian’ Khuapi Minthang

¹ Mual siangtho tungah ama phuhsa khuapi om hi.

² Topa in Jakob’ teen’na mun khempeuhte sangin Zion kulh kongpi itzaw hi.

³ Pasian’ khuapi aw, nangma minthan’na teng hong kigen hi.

⁴ Kei hong theite lakah Izipt leh Babilon ka hel hi; Filistia, Tai-ar leh Ethiopia-te zong—“Hihte pen hua lai mah pan-a piang ahi hi,” amaute in ci ding uh hi.

⁵ Zion thu tawh kisai-in ahih leh, “Minam khempeuh ama sung pan-a suak ahi hi,” kici ding hi; Bang hang hiam cih leh Sang Penpa mahmah in amah kipsak ding hi.

⁶ Topa in, “Hihte pen hua lai-a suak” ci-in minam khempeuh ciamtehin gelh ding hi.

⁷ Tua sung a teeng mi khempeuh in a kibangin, “Ka lungdamna bulpite khempeuh uh nangma sungah om hi,” ci ding uh hi.