Late 67 - Tedim Bible

Minam khempeuh in Pasian a phat ding Kihanthawn

¹ Pasian in eite hong hehpihin thupha hong pia hen la, eite tungah ama mai hong taangsak hen,

² leitungah nangma lampi, minam khempeuhte lakah nangma hotkhiatna vang kithei ta hen.

³ Pasian aw, mite nangmah phatsak in; mi khempeuh nangmah phatsak ta in!

⁴ Mite thu a manin khenin, minamte leitungah lamlak na hih manin, minamte nuam-in lungdamna sa sak in.

⁵ Pasian aw, mite nangmah phat sak in; mi khempeuh nangmah phatsak ta in!

⁶ Leitung in ama hauhna gahkhia khin hi; Pasian, eima Pasian in eite thupha hong pia khin hi.

⁷ Pasian in eite thupha hong pia khin hi; leimong dong khempeuhte in amah zahtak uh hen.