Late 61 - Tedim Bible

Pasian’ Hutna Muang

¹ Pasian aw, ka kikona aw hong za in la, ka thungetna hong ngai in,

² ka lungsim a neu ciangin, leimong panin nang kong sam hi. Kei sanga a sangzaw suangpi tungah nangmah in hong paipih in;

³ bang hang hiam cih leh nangmah in keima bukna na hi a, galte’ langah tausang muan’huai na hi hi.

⁴ Na buk sungah hong omsak tawntung ta in! Nangma khate’ hutna sungah lungmuanga om dingin!

⁵ Bang hang hiam cih leh Pasian aw, ka thuciamnate nangmah in na za khin a, nangmah hong zahtakte’ luahna keimah nong pia khin ta hi.

⁶ Kumpipa’ khan’ to sak in; khang tawntungin amah nungta sak in.

⁷ Pasian’ mai-ah amah om ngitnget hen la, ama itna kip leh a thumanna in amah kem ta hen.

⁸ Tua ciangin ni simin ka thuciamnate bangin ta-in, na min phatna ka sasa ding hi.