Late 54 - Tedim Bible

A gilo Galte kiang panin Hotkhiat ding Ngetna

¹ Pasian aw, nangma min tawh kei hong hon in la, na vaang tawh ka dikna kilangsak in.

² Pasian aw, ka thungetna hong za in la, ka kampaute hong ngai in.

³ Bang hang hiam cih leh mi kiphasakte in kei hong lang pang a, mi helhhawtte in thah dingin hong zong uh hi; amaute in Pasian thudon lo uh hi.

⁴ En in, Pasian in kei hong huhpa hi a, Topa in kei hong huhpa ahi hi.

⁵ Amah in ka galte siatna tawh thuk ding hi; na thumanna tawh amaute sumai in.

⁶ Utna lungsim tawh na tungah biakpiakna kong pia ding a, nang hoih na hih manin, na tungah lungdamna kong ko ding hi, Topa aw.

⁷ Bang hang hiam cih leh haksatna khempeuh panin kei nong honkhia khin a, ka galte a guallelhna ka mu khin hi.