Late 53 - Tedim Bible

Mite’ Haina leh Gitlohna

¹ “Mihai mi in a lungsim sungah, Pasian om lo hi,” ci-in ngaihsun hi. Amaute sia uh a, a kihhuai gamta uh hi; a hoih-a gamta kuamah om lo hi.

² A pil, Pasian a zong mi a om uh hiam cih a theih nadingin Pasian in vantung panin mihing’ tate en suk hi.

³ Amaute a vekpi-un puk khin uh a, a kibangin kisia kim uh hi; a hoih gamtat khat beek om lo hi.

⁴ Pasian’ tungah thu a ngen lo, an nek bang-a ka mite a netum, siatna a bawlte in thu teltheihna nei lo ahi hiam?

⁵ Cik mah-a tua bang launa om ngei lo, launa lianpi sungah amaute om uh hi. Bang hang hiam cih leh Pasian in migilote’ guhte thehthang ding hi; Pasian in amaute nial ahih manin, amaute maizumin kikoih ding hi.

⁶ Zion panin Israelte’ adingin hotkhiatna hong tung ta leh maw! Pasian in ama mite’ nopsakna a piak kik ciangin, Jakob nuamin Israel kipak ding hi.