Late 46 - Tedim Bible

Pasian pen, Ama Mite’ Belh hi

¹ Pasian in eima belh leh i thahatna hi a, haksat hunin hong huh pahpahpa ahi hi.

^2-3 Tua ahih ciangin, leitung kikhin-in, mualte tuipi sung a kiden’na zongin, a tuite ging zuazua-in phuan zuazua a, hih gin’na hangin mual liante a liing zongin, i lau kei ding hi.

⁴ Sang Penpa’ ten’na khua siangtho ahi, Pasian’ khuapi, a lungdamsak gun khat a om hi.

⁵ Ama laizangah Pasian om a, amah a kiliing kei ding hi; Pasian in phalvak tungin amah huh ding hi.

⁶ Minamte heh mahmah uh a, kumpi gam kiliing hi; ama aw ging khiasak a, leitung kicimgawp hi.

⁷ Mi honte’ Topa ei tawh hong omkhawm a, Jakob’ Pasian in eima belh ahi hi.

⁸ Hong pai un la, Topa’ sepna, leitung, gamkhing a suahsak khitna hong en un.

⁹ Amah in leimong dong ah gal beisak hi; amah in thalpi kuaitanin, teipi susia a, leengte mei tawh haltum hi.

¹⁰ “Om hit-hiat un la, Pasian ka hihna thei un. Minamte lakah keimah hong kisangsak a, leitungah ka min hong kithangsak hi!”

¹¹ Mi honte’ Topa in ei tawh omkhawm a, Jakob' Pasian in eima belh ahi hi.