Late 4 - Tedim Bible

Lungdamna leh Nopsakna Nitak Thungetna

¹ Kong sap ciangin hong dawng in, a thuman ka Pasian! Gimna ka thuak ciangin nopsakna nong pia hi. Kei hong hehpih in la ka thungetna hong za in.

² Mite aw, ka minphatna in bang tanvei daina thuak ding ahi hiam? Bang tanvei thu mawkna deih-in, zuauthu zong ding na hi uh hiam?

³ Ahih hangin Topa in miphate ama adingin a koihtuam lam thei ta un; ke’n ka sap ciangin Topa in hong za hi.

⁴ Lau-in liing un la, mawhna pel un; na lupna tung uh-ah lungngai phapha un la, om khikhe lel un.

⁵ A maan biakna piaknate lui un la, Topa muang un.

⁶ Mi tampi in, "Thupha ngah thei leeng ut si hang. Ko tungah na maitang vang hong taangsak in, Topa!" ci uh hi.

⁷ Amaute in an leh leenggahtui a hauh cianga a nuam uh sangin nuamna lianzaw ka lung sungah nong guan hi.

⁸ Nuam takin lumin ka ihmu ding hi; bang hang hiam cih leh Topa aw, nangmah bek in lungmuan’na munah nong om sak hi.