Late 3 - Tedim Bible

Topa Muangin Zingsang Thungetna

¹ Topa aw, ka galte tam mahmah! Mi tampi in kei hong langpan’ nainai hi.

² “Pasian in amah huh lo ding,” mi tampi in hong ci uh hi.

³ Ahih hangin, Topa aw, nangmah in ka kidalna lum, ka minthan’na leh ka lu hong phongpa na hi hi.

⁴ Nakpi in Topa ka gal sap a, amah in a mual siangtho panin hong dawng hi.

⁵ Lum-in ka ihmu a, Topa in hong kem ahih manin ka thokik hi.

⁶ Keimah hong galbawl, hong umcih mi tulsawm tampite ka kihta kei hi.

⁷ Tho in, Topa! Kei hong hon in, ka Pasian! Bang hang hiam cih leh nangmah in ka galte khempeuh’ paang na satgawp a, migilote’ ha na su-tan hi.

⁸ Hotkhiatna in Topa, Nangma hang ahi hi; na mite tungah na thupha hong tung ta hen!