Late 20 - Tedim Bible

Gualzawh Nading Thungetna

¹ Gimna hunah Topa in nangmah hong en! Jakob Pasian min in nangmah hong dal!

² Siangtho mun panin amah in huhna nang hong puak hen la, Zion panin nangmah pan’pihna hong pia ta hen!

³ Na biakpiaknate khempeuh amah in hong phawk hen la, na meihal biakpiakna hong sang ta hen.

⁴ Na lungsim’ deihna amah in hong pia hen la, na geelna khempeuh hong tangtungsak ta hen!

⁵ Na zawhna-ah eite lungdamin awng-in, i Pasian’ min tawh i lante khai ni! Na ngetna khempeuh Topa in hong tangtung sak ta hen!

⁶ Topa in a sathau nilhpa a huh ding tu in ka thei ta a, ama vantung siangtho panin ama taklam khut-a gualzawhna lianpite tawh amah a dawng ding hi.

⁷ Pawlkhat in leengte kihihsak pih-a, pawlkhat in sakolte kihihsak pih hi; ahih hangin eite in Topa i Pasian’ min i kihihsak pih hi.

⁸ Amaute kinawmsawm-in puk ding uh a, ahih hangin eite tho-in i dingtang ding hi.

⁹ Topa aw, kumpipa tungah gualzawhna pia in la, kong sap ciangun hong dawng in.