Late 14 - Tedim Bible

Mite’ Haina leh Gitlohna

¹ Mihai mi in a lungsim sungah, “Pasian om lo hi,” ci-in ngaihsun hi. Amaute sia uh a, kihhuai gamtatin, ahoih-a gamta kuamah om lo hi.

² A pil gamtat, Pasian a zong a om uh hiam cih a theih nadingin Topa in vantung panin mihing’ tate ensuk hi.

³ Amaute a vekpi-in puk khin uh a, a kibangin kisia kim uh hi; a hoih gamtat khat beek om lo hi.

⁴ Topa’ tunga a ngen lo, an nek bang a ka mite a netum, siatna a bawlte in theihna nei lo ahi hiam?

⁵ Amaute pen launa lianpi sungah om ding uh hi, bang hang hiam cih leh midikte tawh Pasian omkhawm hi.

⁶ Mizawng mi’ geelna na siasak nuam a, ahih hangin Topa in ama belh ahi hi.

⁷ Zion panin Israelte’ ading hotkhiatna hong tung taleh maw! Topa in ama mite’ nopsakna a piak kik ciangin, Jakob nuamin Israel kipak ding hi.