Late 130 - Tedim Bible

A Thukpite Sung Panin

¹ Topa aw, a thukpi sung panin nang tungah kong kiko hi!

² Topa aw, ka aw hong za in! Ka thumna aw-gingte hong ngai in!

³ Topa aw, nangmah in mawhnate ciamteh lecin, Topa aw, kua in thuak zo ding ahi hiam?

⁴ Ahih hangin nang hong kizahtak theih nadingin nangmah in mawhna na maisak hi.

⁵ Topa’ hong huh ding lawpna tawh ka ngak a, ama thugen ka muang hi.

⁶ Galvilte in zingsang a ngaklah sangin, Topa ka ngaklah zaw hi.

⁷ Israel aw, Topa muang in! Bang hang hiam cih leh Topa itna kip tawntung a, amah in hong honkhia nuam tawntung hi.

⁸ Amah in, Israelte a mawhna khempeuh panin tankhia ding hi.