Late 13 - Tedim Bible

Lungkhamna-ah Thungetna

¹ Topa aw, bang tanvei hi ding ahi hiam? Kei hong mangngilh paisuak ding na hi hiam? Bang tanvei kei kiang pan na maitang seel ding na hi hiam?

² Bang tanvei gimna thuakin, sunthapai-in ka lungsim dah ding ahi hiam? Bang tanvei kei’ tungah ka galte gualzo ding a hi hiam?

³ Topa ka Pasian aw, ngaihsun in la hong dawng in, ihmu-in si kha ding ka hih manin ka mitte hong vak sak in;

⁴ ka galte in “Ama tungah gualzo khin ing” ci kha ding hi. Kei ka lin’ manin ka galte nuam kha ding hi.

⁵ Ahih hangin na itna kip ka muang a, nangma hotkhiatna sungah ka lungdam ding hi.

⁶ Kicing takin nong hehpih manin, Topa, la kong sak ding hi.