Late 129 - Tedim Bible

Galte, Lotthal Nading Ngetna

¹ “Amaute in ka neu lai-a kipanin nakpi takin kei hong gim sak uh hi,”Israel in tu in ci ta hen—

² “Amaute in ka neu lai-a kipanin nakpi takin kei hong gimsak uh hi; ahih hangin amaute in kei hong zo nai lo uh hi.

³ Lo khote in lei a kuih bangin ka nungzang kuikeek uh a, tu-ma-kuakte tawh kibangsak uh hi.

⁴ Topa thuman a, amah in migilote’ henna khaute su-tat khin hi.

⁵ Zion a mudahte khempeuh maizumin kinungkiksak ta hen!

^6-8 Amaute pen, a khan’ khit ma-a a vul, innkhumzang-a lopa, an atpa in a khut sunga a khop loh, buhlom henpa in a ang-a a pom loh, amau mu khate in, “Topa’ thupha na tungah om ta hen! Topa’ min tawh thupha kong pia uh hi!” a cih loh mite tawh kibang sak in.