Late 128 - Tedim Bible

Mipha Innkuan Sunga Thupha

¹ Topa zahtak-in ama thu a zui mi khempeuh thupha ngah mi ahi hi!

² Na khut tawh na sepsa thaman na ne ding a, na lungdamin na ma vang ding hi.

³ Nangma inn sungah na zi in a gah pha mahmah leenggui tawh kibang ding a, na sabuai kim-ah na tate in oliv-no dawng hilhhelh tawh kibang ding uh hi.

⁴ En un, Topa a zahtak mi tua bangin thupha kipia ding hi.

⁵ Topa in Zion panin nang thupha hong pia hen la, na nuntak tawntung Jerusalem’ nopsakna mu ta in!

⁶ Na tute a mu dingin hong siam hen la, Israelte tungah nopna om ta hen!