Late 126 - Tedim Bible

Sal-a Omna pan Ciahkikna

¹ Topa in Zion-ah eite hong ciahpih kik ciangin, i mang tawh kibang liang hi.

² Lungdamin i nui a, lungdam lua-in la i sa hi. Tua ciangin minam dangte kiho-in, “Topa in amau adingin na lianpite bawl khin ta hi,” kici uh hi.

³ Topa in eite’ adingin na lianpite bawl khin ta a, eite i kipak hi.

⁴ Topa aw, lei keuna mun-ah guah in tui a puak bangin kote’ nopsaknate a ngei hong bangsak kik ta in!

⁵ Khitui tawh khai a tuhte, lungdam-a kikona tawh an lasak ta in!

⁶ Kap kawm-in kuankhia-in a tuh ding khaici a pua mi in lungdam-a kikona tawh buhlomte pua-in innah hong ciah ding hi.