Late 125 - Tedim Bible

Ama Mite Kiim-ah Topa om

¹ Topa a muang mite pen, ling loin a om tawntung Zion Mual tawh kibang hi.

² Mualte in Jerusalem kimkotah a om mah bangin, Topa in ama mite’ kimkotah tu-a kipanin a tawntungin om ding hi.

³ Thuman mite in khialhna a bawl khak loh nadingun, amaute tunga kipia leitang tungah migilote in amaute uk paisuak lo ding hi.

⁴ Topa aw, a hoih mite tung leh na thupiakna a zui mite tungah hehpihna hong nei in!

⁵ Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!