Late 124 - Tedim Bible

Hotkhiatna hangin Phatna

¹ Ei lam-ah Topa, hong pang lo hi leh, Israelte in tu-in ci ta uh hen—

² Mihingte ei lang pangin hong thawh ciangin ei lamah Topa hong pang lo hi leh,

³ ei tunga amau hehna a kisosuah ciangin amaute in eite a hingin hong nawmvalh khin ding uh hi;

⁴ tuikhang in eite hong taikhia in, tuihualte in hong tummang khin ding a,

⁵ tuipi husiate in hong tummang khin ding hi.

⁶ Amau’ suksiat dingin eite a hong piakhia lo Topa in thupha ngah ta hen!

⁷ Thangsiahte thangzak panin vasa a suahtak bangin eite i suakta hi; thangkhau kibottat a, eite i suakta khin ta hi.

⁸ Van leh lei a bawl Topa’ tung panin eite hong kihuhna hong pai hi.