Late 123 - Tedim Bible

Lamen-a Pasian Ngakna

¹ Vantung-a a ompa aw, nangmah kong ento hi!

² En in, nasem pasalte in a topa uh muang a, nasem numei in a tonu-uh a muan’ mah bangin, ko tungah hehpihna nong neih matengin Topa kote’ Pasian kong mitsuan uh hi.

³ Kote hong hehpih in, Topa aw, kote hong hehpih in, bang hang hiam cih leh kote in ka thuak zawh loh uh simmawhna ka thuak uh hi.

⁴ A ut ut-a gamta mite’ hong zahkona, mi kiphasakte’ hong simmawhna tawh sau vei ka gim lua khin ta uh hi.