Late 122 - Tedim Bible

Jerusalem’ Nopsak Nading Ngetna

¹ Amaute in kei tungah, “Topa’ innah pai ni,” hong cih uh ciangin ka kipak hi.

² Jerusalem aw, na kulh kongpi sungah kote hong tungin ka ding khin ta uh hi.

^3-4 Jerusalem khuapi pen, Israelte tungah thu a kipiaksa bangin Topa’ tungah lungdamna a ko dingin Topa’ minamte, minamte a hong paitohna, khuapi lian tawh kibang-a a kibawl, kip tak-a a kilam bikbek ahi hi.

⁵ David innkuante’ kumpi tokhom ahi, thukhen nading kumpi tokhom tua lai-ah kikoih hi.

⁶ Jerusalem khuapi’ nopsak nading thu ngen un la, “Nang hong itte a dau uh pai ta hen!

⁷ Na kulhte sungah lungnopna om hen la, na galvilna tausangte’ huam sungah lungmuan’na om ta hen” ci un.

⁸ Sanggamte leh kikholhpihte ka khualna-in, “Nang sungah nopna om ta hen!” ka ci ding hi.

⁹ Topa i Pasian’ inn ka khualna-in nangma nopsakna ka zong ding hi.