Late 11 - Tedim Bible

Topa pen Midikte’ Belh hi.

¹ Topa ka bel hi; bangci-in ka tungah, “Vasa leeng bangin mual tungah tai-in,

² bang hang hiam cih leh, en in, migilote in, khuamial sung pan lungsim thutangte kap dingin a thalkhau uh-ah thaltang bulhin a thal uh keek hi;

³ bulpite kisusia leh, midikte in bang cih thei nawn ding hiam?” nong ci thei diam?

⁴ Topa in ama biakinn siangtho sungah om a, Topa’ tokhom in vantungah om hi; a mit-in en a, a mit tawh mihing’ tate entel hi.

⁵ Topa in midikte leh migilote en tel a, a ngongtat nuam mi a lungsim in mudah hi.

⁶ Migilote tungah amah in mei-am leh kat zusak ding a, amau ngah ding hai in huih sa mahmah hi ding hi.

⁷ Bang hang hiam cih leh Topa dik a, dik gamtatna deih hi; thutang mi in ama mai mu ding hi.