Late 100 - Tedim Bible

Lungdamna tawh Topa’ Na Sem Ding

¹ Gam khempeuh aw, Topa tungah lungdamna aw ging sak un!

² Lungdamna tawh Topa’ na sem un! Ama omna-ah la sa kawmin hong pai un!

³ Topa pen Pasian a hihna thei un! Eite hong bawlpa in amah hi a, eite in ama aa i hi hi; eite in ama mi i hi a, ama gan khahna sunga a tuute i hi hi.

⁴ Lungdam kohna tawh ama kongpi-ah lut un la, phatna tawh ama huang sungah tum un; Ama tungah lungdam ko un la, ama min phat un!

⁵ Bang hang hiam cih leh Topa hoih hi; ama itna kip-in kho tawntung a, ama thumanna a khang a khangin a kip hi.