Late 1 - Tedim Bible

BU I Midikte leh Migilote

¹ Mi nuamsa i cih in, migilote’ thu a zui lo mi, mimawhte’ lampi-a ding lo mi, mi a thusim lote’ phual-a tu lo mi;

² ama nopsakna in Topa’ thu sung bek mah hi a, sun leh zanin ama thu a ngaihsunsun mi ahi hi.

³ Amah in luitui luang gei-a kisuan, ama gah hunin gah a, a teh a vul lo singkung tawh kibang hi. Ahihna khempeuh ah a ma pai hi.

⁴ Migilote ahih leh tua bang hi lo a, huih letkhiat ansi tawh kibang uh hi.

⁵ Tua ahih ciangin migilote in thukhenna nang zo lo ding a, mimawhte in midikte’ pawl sungah kihel thei lo ding hi;

⁶ bang hang hiam cih leh Topa in midikte’ lampi kem a, migilote’ lampi ahi leh siamang ding hi.