Joshua 15 - Tedim Bible

Judah a Kipia Gam

¹ Amau’ beh tawh kizui-in Judah mite’ ngah in leitaw lamah Edom gamgi ciang, leitaw lam a gamla penna mun-ah Zin gamlak ciang ban hi.

² Leitaw lam a gamgi in Ci Tuipi mong, leitaw lam a sun tuidawk panin kipan hi;

³ leitaw lam Akrabbim kahtohna-ah paikhia-in, Zin dong ban a, Kadesh-barnea leitaw lamah Hezron dung tawnin Addar ciang dong paito-in, Karka lamah kihei a,

⁴ Azmon ciang dong pai-in Izipt lui-ah suakkhia a, tuipi-ah a mong bei hi. Hih in amau’ leitaw lam gamgi hi ding hi.

⁵ Tua ciangin nisuahna lam gamgi in Jordan tun’na ciang dong Ci Tuipi ahi hi. Leilu lam pang gamgi in Jordan tun’na tuipi dawk panin kipan hi;

⁶ a gamgi in Bethhoglah lamah paito a, Beth-arabah leilu lam pangah paisuak hi; tua ciangin a gamgi in Reuben’ tapa Bohan’ Suangpi dongah paito hi;

⁷ tua ciangin Akhor Kuam panin Debir-ah gamgi paito a, leilu lam manawhin, tua kuam leitaw lam pangah a om, Adummim kahtohna gal khatah a om Gilgal lamah kihei hi; tua ciangin gamgi in Enshemesh tuite dungah pai-in Enrogel-ah tawp hi;

⁸ tua ciangin Jebus mi (Jerusalem a cihna) liangko leitaw lam Hinnom' tapa kuam-ah gamgi paito hi; tua ciangin Refaim kuam leilu lam mong, nitumna lam Hinnom Kuam gal khatah a kikhung mual dawn-ah gamgi paito hi;

⁹ tua ciangin mual dawn panin Neftoah Tuite lui-ah gamgi kikhung a, tua panin Efron Mual khuapite-ah pai hi; tua ciangin Baalah (Kiriath-jearim a cihna) lamah gamgi kawi kual hi;

¹⁰ tua ciangin Baalah nitumna lam Seir Mual-ah gamgi kual a, tua panin paisuakin Jearim Mual (Khesalon a cihna) liangko leilu lamah pai-in, Bethshemesh-ah paisuk a, Timnah kiangah paisuak hi;

¹¹ Ekron leilu lam mual liangko-ah gamgi paikhia a, tua ciangin Shikkeron-ah gamgi kawi kualin, Baalah Mual-ah paisuak a, Jabne-el-ah leng khia hi; tua ciang tuipi-ah gamgi tawp hi.

¹² Tua ciangin nitumna gamgi in Tuipi Lian a dung teng ahi hi. Hih in amau’ beh tawh kizui-in Judah mite kiim-ah gamgi ahi hi.

Kaleb in Hebron leh Debir Zo

¹³ Topa in Joshua tungah a thupiak bangin Jefunneh’ tapa Kaleb tungah amah in Judah mite lakah tanh khat Kiriath-arba, Hebron a cihna, (Arba in Anak’ pa hi) pia hi.

¹⁴ Tua lai panin Kaleb in Anak’ tapa thumte Sheshai leh Ahiman leh Talmai, Anak suan-le-khakte hawl khia hi.

¹⁵ Tua lai panin Debir sunga teeng mite a sim dingin amah paito hi; Debir pen a ni dangin Kiriath-sefer ahi hi.

¹⁶ Kaleb in, “Kiriath-sefer vat gawpin a la zo mi tungah ka tanu Aksah a zi dingin ka pia ding hi,” a ci hi.

¹⁷ Tua ciangin Kaleb’ sanggampa Kenaz’ tapa Othniel in la hi; amah in a zi dingin a tanu Aksah pia hi.

¹⁸ Tua nu ama kiangah a pai ciangin ama pa’ tung panin lo khat a nget ding hah gen hi; a la tung panin tua nu a kum ciangin, Kaleb in tua nu kiangah, “Bang ut na hi hiam?” a ci hi.

¹⁹ Amah in, “Letsong khat hong pia in; Negeb gamah kei hong koih na hih buangin cik tuikhukte zong hong pia in,” a ci hi. Tua ciangin Kaleb in tua nu tungah cik tui tungnungte leh cik tui nuainungte a pia hi.

Judah Khuapite

²⁰ Hih in amau’ beh tawh kizui-in Judah minamte’ gamhluah ahi hi.

²¹ Leitaw lam mong ciik, Edom gamgi lamah Negeb gam Judah minamte’ neih khuapite in Kabze-el, Eler, Jagur,

²² Kinah, Dimonah, Adadah,

²³ Kedesh, Hazor, Ithnan,

²⁴ Zif, Telem, Bealoth,

²⁵ Hazorhadattah, Kerioth-hezron (Hazor a cihna),

²⁶ Amam, Shema, Meladah,

²⁷ Hazargaddah, Heshmon, Bethpelet,

²⁸ Hazarshual, Be-ersheba, Biziothiah,

²⁹ Baalah, Iim, Ezem,

³⁰ Eltolad, Khesil, Hormah,

³¹ Ziklag, Madmannah, Sansannah,

³² Leboath, Shilhim, Ain, leh Rimmon; a vekpi-in khuapi sawmnih-le-kua, a khua neute tawh ahi hi.

³³ Tua ciangin lei niamna lamah Eshtaol, Zorah, Ashnah,

³⁴ Zanoah, Engannim, Tappuah, Enam,

³⁵ Jarmuth, Adullam, Sokoh, Azekah,

³⁶ Sha-araim, Adithaim, Gederah, Gederothaim: khuapi sawm-le-li, a khua neute tawh ahi hi.

³⁷ Zenan, Hada-shah, Migdalgad,

³⁸ Dilean, Mizpeh, Jokhe-el,

³⁹ Lakhish, Bozkath, Eglon,

⁴⁰ Kabbon, Lahman, Khitlish,

⁴¹ Gederoth, Bethdagon, Na-amah, leh Makkedah; khuapi sawm-le-guk, a khua neute tawh ahi hi.

⁴² Libnah, Ethar, Ashan,

⁴³ Iftah, Ashnah, Nezib,

⁴⁴ Keilah, Akzib, leh Mareshah: khuapi kua, a khua neute tawh ahi hi.

⁴⁵ Ekron, a khuapite leh a khua neute tawh ahi hi;

⁴⁶ Ekron panin tuipi dong, Ashdod lam pang-a omte khempeuh a khua neute tawh ahi hi.

⁴⁷ Ashdod, a khuapite leh a khua neute tawh ahi hi; Gaza, a khuapite leh a khua neute tawh ahi hi; Izipt lui leh tuipi lian a gei ciang dong tawh ahi hi.

⁴⁸ Tua ciangin mualtung gamah, Shamir, Jattir, Sokoh,

⁴⁹ Dannah, Kiriath-sannath (Debir a cihna),

⁵⁰ Anab, Eshtemoh, Anim,

⁵¹ Goshen, Holon, leh Giloh: khuapi sawm-le-khat, a khua neute tawh ahi hi.

⁵² Arab, Dumah, Eshan,

⁵³ Janim, Bethtappuah, Afekah,

⁵⁴ Humtah, Kiriath-arba (Hebron a cihna), leh Zior: khuapi kua, a khua neute tawh ahi hi.

⁵⁵ Maon, Karmel, Zif, Juttah,

⁵⁶ Jezre-el, Jokdeam, Zanoah,

⁵⁷ Kain, Gibeah, leh Timnah: khuapi sawm, a khua neute tawh ahi hi.

⁵⁸ Halhul, Bethzur, Gedor,

⁵⁹ Ma-arath, Beth-anoth, leh Eltekon: khuapi guk, a khua neute tawh ahi hi.

⁶⁰ Kiriathbaal (Kiriath-jearim a cihna), leh Rabbah: khuapi nih, a khua neute tawh ahi hi.

⁶¹ Sehnel gamah, Beth-arabah, Middin, Sekakah,

⁶² Nibshan, Ci Khuapi, leh En-gedi: khuapi guk, a khua neute tawh ahi hi.

⁶³ Ahih hangin Judah mite in Jerusalem-a teeng Jebus mite hawlkhia zo lo uh hi; tua ahih ciangin tu ni dongin Jebus mite in Judah mite tawh Jerusalem-ah teeng khawm uh hi.