Hosea 5 - Tedim Bible

Israelte’ Upna Pialna Hanga Daan

¹ No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

² Note in mite’ kiat nadingin Shittim-ah gum a thukpi-in na to uh hi; hih thu hangin note kong thuhilh ding hi.

³ Israelte’ gamtatna khempeuh ka thei khin a, kei tungah bangmah hong iim thei lo ding uh hi. Kei tungah hong citak lo uh a, amaute, misia suak khin uh hi, a ci hi.

⁴ Amaute’ gamtatna in a Pasian kiang uh zuansak thei lo hi. Amaute in nakpi takin biak nopna lungsim nei uh ahih manin Topa phawk kha lo uh hi.

⁵ Israelte’ kiphatsakna in amau mah’ siat nading ahi hi. Amau’ mawhna in amaute puksak ding a, Judah mite in zong pukpih ding uh hi.

⁶ A tuute uh leh a bawngte uh tawh Topa tungah biakna pia dingin paipih ding uh a, ahi zongin a mawkna suak ding hi. Topa in amaute nusia khin ahih amanin amah mu zo lo ding uh hi.

⁷ Topa’ tungah amaute citak lo uh a, midangte tawh zawlta nei uh hi. Tu-in amaute leh a neihsa khempeuh uh kisusia ding hi.

⁸ Galdo nading zaksakna-in Gibeah khua-ah tuutal’ ki tum un la, Ramah khua-ah peengkul tum un. Beth-aven khua-ah pataukohna gingsak un. Benjamin mite aw, kithawi un!

⁹ Daan thuak ni hun hong tun’ ciangin Israel mite in siatna thuak ding uh hi. A tung taktak ding thu, Israel mite’ lakah a gen ka hi hi.

¹⁰ Topa in hih bangin ci hi: Judah mi uliante in gisuang khinin midangte’ leitang keeksak uh ahih manin amaute tungah ka heh a, amaute tungah daantahna tuikhang bangin ka tungsak ding hi.

¹¹ Israel in zong gimna thuakin a cimawh hita hi; bang hang hiam cih leh piak ding bang mah a nei lote kiangah huh ngen dingin pai hamtang hi.

¹² Tua ahih manin Israel ka beitumsak ding a, Judah ka beimang sak ding hi.

¹³ Israel in ama ci natna kithei a, Judah in ama liamna a muh ciangin, kumpi lianpa kiangah huh ngen dingin Assiria gamah Israel va pai hi. Ahi zongin amah in amau’ natna na damsak thei lo a, a liamna uh zong na damsak thei tuan lo hi.

¹⁴ Humpinelkai’ sukgawp bangin Israel leh Judah ka sugawp ding hi. Keimah teekteek in amaute balgawpin ka paisan ding hi. Amaute ka tal kaih gawp ding a, kuamah in hon zo lo ding hi.

Israel A Kisik Taktak Lohna

¹⁵ Ka mite in a mawhna hangun gimna thuakin kei hong zon’ kik mateng ka tuaci nusiat phot ding hi. A lungkham uh ciangin kei hong zong ding uh a,