Esther 10 - Tedim Bible

Mordekai’ Liatna

¹ Kumpipa Ahasu-eras in a ukna gam leitung leh tuikulh tunga teengte tung panin siah kai hi.

² Ama vangliatna leh a thahatna tawh a sepnate khempeuh, leh Mordekai tungah a piak minphatnate, Media leh Persia Kumpite’ Khang Tangthu Laibu sungah kigelh hi.

³ Bang hang hiam cih leh Kumpipa Ahasu-eras’ zomah Mordekai in a za lianpen nihna ahi hi; Mordekai in ama mite’ phattuam nading leh a suan-le-khakte uh a khan’toh nading hanciam ahih manin Judah mite lakah milian khat hi a, a gam mihonpite in it kim uh hi.