1 KHANG TANGTHU MASATE 6 - Tedim Bible

Levi’ Suan leh khakte

¹ Levi’ tapate in: Gershom, Kohath, leh Merari ahi uh hi.

² Kohath’ tapate in: Amram, Izhar, Hebron, leh Uzziel ahi uh hi.

³ Amram’ tate in: Aaron, Moses, leh Miriam ahi uh hi. Aaron’ tapate in: Nadab, Abihu, Eleazar, leh Ithamar ahi uh hi,

⁴ Eleazar suan leh khakte in: A tapa Finehas, a tapa Abishua,

⁵ a tapa Bukki, a tapa Uzzi,

⁶ a tapa Zerahiah, a tapa Meraioth,

⁷ a tapa Amariah, a tapa Ahitub,

⁸ a tapa Zadok, a tapa Ahima-az,

⁹ a tapa Azariah, a tapa Johanan,

¹⁰ leh a tapa Azariah, (Solomon in Jerusalem ah a lam inn sungah siampi a sempa) ahi hi.

¹¹ Azariah’ tapa Amariah, a tapa Ahitub,

¹² a tapa Zadok, a tapa Shallum,

¹³ a tapa Hilkiah, a tapa Azariah,

¹⁴ a tapa Seraiah, a tapa Jehozadak ahi hi;

¹⁵ Topa in Nebukhadnezzar’ khut tawh Judah leh Jerusalem sal-in a mat ciangin Jehozadak salin pai hi.

¹⁶ Levi’ tapate in: Gershom, Kohath, leh Merari ahi uh hi.

¹⁷ Tua ciangin Gershom’ tapate in: Libni leh Shimei ahi uh hi.

¹⁸ Kohath’ tapate in: Amram, Izhar, Hebron, leh Uzziel ahi uh hi.

¹⁹ Merari tapate in: Mahli leh Mushi ahi uh hi. Hihte in amau’ beh tawh kizui-in Levi minamte ahi uh hi.

²⁰ Gershom sung pan: a tapa Libni, a tapa Jahath, a tapa Zimmah,

²¹ a tapa Joah, a tapa Iddo, a tapa Zerah, a tapa Jeatherai ahi hi.

²² Kohath’ suante in: a tapa Amminadab, a tapa Korah, a tapa Assir,

²³ a tapa Elkanah, a tapa Ebiasaf, a tapa Assir,

²⁴ a tapa Tahath, a tapa Uriel, a tapa Uzziah, leh a tapa Shawl ahi hi.

²⁵ Elkanah, tapate in: Amasai leh Ahimoth ahi hi.

²⁶ Ahimoth’ suante in: A tapa Elkanah, a tapa Zofai, a tapa Nahath,

²⁷ a tapa Eliab, a tapa Jeroham, a tapa Elkanah, a tapa Samuel ahi uh hi.

²⁸ Samuel tapa in: a tacil Joel, a nihna Abijah ahi uh hi.

²⁹ Merari’ suante in: Mahil, a tapa Libni, a tapa Shimei, a tapa Uzza,

³⁰ a tapa Shimea, a tapa Haggiah, leh a tapa Asaiah ahi uh hi.

David in a Seh Biakna Lasate

³¹ Topa’ inn sungah thuciamna singkuang a tawlngak khit ciangin tua sungah lasak nasep a ukin David in a koih mite in hihte ahi uh hi.

³² Solomon in Jerusalem ah Topa’ inn a lam ciang dong amaute in kikhopna puanbuk ahi biakbuk mai-ah lasak na sem uh hi; amaute in a nasep uh a hunhun a banbanin, sem uh hi.

³³ Hih nasep a semte khangsimna in a nuai-a bang ahi hi. Kohath mite beh sung panin: Heman in la makaipi hi a, Joel’ tapa ahi hi. Heman khang simna in a pupi Israel lam manawhin kileh sim to hi. Heman a pa Joel, a pa Samuel,

³⁴ a pa Elkanah, a pa Jehoram, a pa Eliel, a pa Toah,

³⁵ a pa Zuf, a pa Elkanah, a pa Amasai

³⁶ a pa Elkanah, a pa Joel, a pa Azariah, a pa Zefaniah,

³⁷ a pa Tahath, a pa Assir, a pa Ebiasaf, a pa Korah,

³⁸ a pa Izhar, a pa Kohath, a pa Levi, a pa Israel, ahi hi.

³⁹ Asaf in lasa pawl a nihna a makaipa hi a, ama khangsimna a pupi Levi lam manawhin kileh simto hi. Tuate in: Asaf, a pa Berekhiah, a pa Shimea,

⁴⁰ a pa Mikhael, a pa Baaseiah, a pa Malkhijah,

⁴¹ a pa Ethni, a pa Zerah, a pa Adaiah,

⁴² a pa Ethan, a pa Zimmah, a pa Shimei,

⁴³ a pa Jahath, a pa Gershom, a pa Levi, ahi uh hi.

⁴⁴ Merari-te beh sung panin Ethan in lasa pawl a thumna a ukpa hi a, ama khang simna in a pupi Levi lam manawh in kileh simto hi. Tuate in: Ethan, a pa Kishi, a pa Abdi, a pa Malluk,

⁴⁵ a pa Hashabiah, a pa Amaziah, a pa Hilkiah,

⁴⁶ a pa Amzi, a pa Bani, a pa Shemer,

⁴⁷ a pa Mahli, a pa Mushi, a pa Merari, a pa Levi hi a,

⁴⁸ Levi mi a sanggamte uh Pasian’ inn biakbuk nasep dang khempeuh a sem dingin a kisehte ahi hi.

Aaron’ Suan leh khakte

⁴⁹ Ahih hangin Aaron leh a tapate in Pasian’ nasem Moses’ thupiaksate khempeuh bangin siangtho pen mun nasepnate khempeuh leh Israel mite adingin kilemna a bawl dingin meihal biakna tau tung leh paknamtui biakna tau tungah piakna bawl uh hi.

⁵⁰ Aaron’ suan leh khakte in: Aaron a tapa Eleazar, a tapa Finehas, a tapa Abishua,

⁵¹ a tapa Bukki, a tapa Uzzi, a tapa Zerahiah,

⁵² a tapa Meraioth, a tapa Amariah, a tapa Ahitub,

⁵³ a tapa Zadok, a tapa Ahima-az ahi hi.

Levi mite’ Khuapite

⁵⁴ Amau’ gamgi huam sungah amau’ ten’na tawh kizui-in amau’ omna munte in: Kohathte beh sung pan Aaron’ suante tungah a kipia, amau’ adingin a tanh uh om a,

⁵⁵ Judah gam sungah Hebron leh a kiim lononate amaute tungah pia uh a,

⁵⁶ ahih hangin khuapi lote leh a khuaneute Jefunneh’ tapa Kaleb tungah pia uh hi.

⁵⁷ Aaron’ suante tungah amaute in a piak bukna khuapite in: Hebron, Libnah a lonona gamte tawh, Jattir, Eshtemoa a lonona gamte tawh,

⁵⁸ Hilen a lonona gamte tawh, Debir a lonona gamte tawh,

⁵⁹ Ashan a lonona gamte tawh, leh Bethshemesh a lonona gamte tawh ahi hi;

⁶⁰ tua ciangin Benjamin minamte’ gam sung panin Geba a lonona gamte tawh, Alemeth a lonona gamte tawh, leh Anathoth a lonona gamte tawh ahi hi. Amau’ innkuan khempeuh’ khuapite in sawm-le-thum ahi hi.

⁶¹ Kohath mi a om laite tungah aisaana tawh Manasseh minam a langte’ gam sung panin khuapi sawm kipia hi.

⁶² Gershom-te beh tungah a innkuan-a kizui-in Issakhar-te’ gam, Asher-te’ gam, Naftali-te’ gam, leh Bashan-a om Manasseh-te’ gam sung panin khuapi sawm-le-thum kipia hi.

⁶³ Merari-te beh tungah a innkuan-a kizui-in Reuben-te’ gam, Gad-te’ gam, leh Zebulun-te’ gam sung panin khuapi sawm-le-nih kipia hi.

⁶⁴ Tua ahih ciangin Israel mite in hih bangin Levi mite tungah khuapite a lononate tawh pia uh hi.

⁶⁵ Amaute in Judahte’ gam, Simeonte’ gam, leh Benjaminte’ gam sung panin zong a min-a kilo hih khuapite amaute tungah pia uh hi.

⁶⁶ Tua ciangin Kohathte beh pawl khat in Efraim minamte gam sung panin amau’ gam khuapite ngah uh hi.

⁶⁷ Amaute tungah a kipia bukna khuapite in: Efraim mual tung gam sungah a om Shekhem a lonona gamte tawh, Gezer a lonona gamte tawh,

⁶⁸ Jokmean a lonona gamte tawh, Bethhoron a lonona gamte tawh,

⁶⁹ Aijalon a lonona gamte tawh, Gathrimmon a lonona gamte tawh,

⁷⁰ leh Manasseh minam a langte’ gam sung panin Aner a lonona gamte tawh, leh Bileam a lonona gamte tawh hi a, hihte in Kohathte beh a om laite’ ading ahi hi.

⁷¹ Manasseh minam a langte gam sung panin Gershomte beh tungah a kipiate in: Bashan gam sunga Golan a lonona gamte tawh leh Astaroth a lonona gamte tawh ahi hi;

⁷² tua ciangin Issakharte’ gam sung panin: Kedesh a lononte gamte tawh, Daberath a lonona gamte tawh,

⁷³ Ramoth a lonona gamte tawh, leh Anem a lonona gamte tawh ahi hi;

⁷⁴ Asherte’ gam sung panin: Mashal a lonona gamte tawh, Abdon a lonona gamte tawh,

⁷⁵ Hukok a lonona gamte tawh, leh Rehob a lonona gamte tawh ahi hi;

⁷⁶ tua Naftali-te’ gam sung panin: Galile gam sunga om Kedesh a lonona gamte tawh, Hammon a lonona gamte tawh, leh Kiriathaim a lonona gamte tawh ahi hi.

⁷⁷ Merari-te beh a om laite tungah Zebulunte’ gam sung panin a kipiate in: Rimmono a lonona gamte tawh, Tabor a lonona gamte tawh,

⁷⁸ Jordan nisuahna lam, Jerikho kiang Jordan gal khat sung pan: pawn-a om Bezer a lonona gamte tawh, Jahzah a lonona gamte tawh,

⁷⁹ Kedemoth a lonona gamte tawh, leh Mefa-ath a lonona gamte tawh ahi hi;

⁸⁰ tua ciangin Gad-te’ sung panin: Gilead gam-a om Ramoth a lonona gamte tawh, Mahanaim a lonona gamte tawh,

⁸¹ Heshbon a lonona gamte tawh, leh Jazer a lonona gamte tawh ahi hi.