1 KHANG TANGTHU MASATE 24 - Tedim Bible

¹ Aaron’ suante a kisehkhennate in hihte ahi hi. Aaron’ tapate in: Nadab, Abihu, Eleazar, leh Ithamar ahi uh hi.

² Ahih hangin a pa uh sih ma-in Nadab leh Abihu si-in ta nei lo uh ahih manin Eleazar leh Ithamar-te siampi suak uh hi.

³ Eleazar’ suan Zadok, leh Ithamar’ suan Ahimelek’ huhna tawh David in amau’ nasepna ah a kiseh bangin Aaron’ suante a koih hi.

⁴ Ithamar’ suante lak sangin Eleazar’ suante lakah ukpi tam om zaw ahih manin, amaute in Eleazar’ suante pawl sawm-le-guk suahin, Ithamar’ suante pawl giat suah hi.

⁵ Eleazar’ suante leh Ithamar’ suante lakah biakinn uliante leh Pasian’ uliante om tuak uh ahih manin amaute in a kibangin aisaanna tawh amaute koih uh hi.

⁶ Tua ciangin Levi mi Nethanel’ tapa ahi lai-atpa Shemaiah in Kumpipa, leh uliante, leh siampi Zadok, leh Abiathar’ tapa Ahimelek, leh siampite leh Levi mi beh lutangte’ omna ah amaute ciamteh hi; Eleazar’ suante’ adingin khat kiteelin, tua ciangin Ithamar’ suante adingin khat kiteel a, kilaih sak niloh uh hi.

⁷ Aisaanna a masa pen Jehoiarib tung, a nihna Jedaiah tung,

⁸ a thumna Harim tung, a lina Seorim tung,

⁹ a ngana Malkhijah tung, a gukna Mijamin tung,

¹⁰ a sagihna Hakkoz tung, a giatna Abijah tung,

¹¹ a kuana Jeshua tung, a sawmna Shekaiah tung,

¹² a sawm-le-khatna Eliashib tung, a sawm-le-nihna Jakim tung,

¹³ a sawm-le-thumna Huppah tung, a sawm-le-lina Jeshebeab tung,

¹⁴ a sawm-le-ngana Bilgah tung, a sawm-le-gukna Immer tung,

¹⁵ a sawm-le-sagihna Hezir tung, a sawm-le-giatna Happizzez tung,

¹⁶ a sawm-le-kuana Pethahiah tung, a sawmnihna Jehezkel tung,

¹⁷ a sawm-nih-le-khatna Jakhin tung, a sawmnih-le-nihna Gamul tung,

¹⁸ a sawmnih-le-thumna Delaiah tung, a sawmnih-le-lina Ma-aziah tungah tu hi.

¹⁹ Hihte in Israel’ Topa Pasian in amah a thupiak bangin a pupi uh Aaron in amaute’ adingin a kipsakna ngeina bangin Topa’ inn sungah pai dingin amau’ nasep uh ahi a kiseh nasep nei uh hi.

²⁰ Tua ciangin Levi’ suante a om laite lakah: Amram’ suante sung panin Shubael’ suante Jehdeiah ahi hi.

²¹ Rehabiah’ suante sung panin Isshiah a ukpi ahi hi.

²² Izhar’ suante sung panin Shelomoth’ suante Jahath ahi hi.

²³ Hebron’ suante lakah: Jeriah a ukpi, Amariah a nihna, Jahaziel a thumna, Jekameam a lina ahi hi.

²⁴ Uzziel’ suante sung panin Mikah’ suante Shamir ahi hi.

²⁵ Mikah’ sanggampa in Isshiah ahi hi; Isshiah’ suante sung panin Zekhariah ahi hi.

²⁶ Merari’ suante in: Mahli, Mushi, leh Ja-aziah ahi hi.

²⁷ Merari’ suante Ja-aziah’ sung panin Beno, Shoham, Zakkur, leh Ibri ahi hi.

^28-29 Mahli in tapa nih, Eleazar leh Kish nei hi. Eleazar in tapa nei lo a, Kish in Jerahme-el a kici tapa khat nei hi.

³⁰ Mushi’ tapate in: Mahli, Eder, leh Jerimoth ahi uh hi. Hihte in a beh tawh kizui-in Levi’ suante ahi uh hi.

³¹ Hihte in zong a behte uh ahi Aaron’ suante mah bangin kumpi David, Zadok, Ahimelek, leh siampite leh Levi mi beh lutangte’ muhna ah beh lutangte leh a nau pasalte ciat in a kibangin ai saanna tawh nasepna tavuan la uh hi.