Oseas 3 - Ti Biblia (1973)

Ti caipapanan ti maicadua a pannakiasawa ni Oseas.

¹ Ket kinuna caniac ni Jehova, Inca manen agayatca iti maysa a babai nga inay-ayat ti gayyemna, ket makicamcamalala, a cas met laeng iti panagayat ni Jehova cadagiti annac ti Israel, nupay simmurotda cadagiti sabali a didios, a gustoda dagiti tinapay nga uvas a napakirriit.

² Gimmatangac ngarud iti asawa a maipaay caniac iti sangapulo ket lima a capisi ti pirac, ken maysa nga homer ti cebada ken cagudua nga homer ti cebada;

³ Ket kinunac kencuana, Sica agtalinaedcanto caniac iti adu nga aldaw: dicanto agbalangcantis, ken saannacanto nga asawa ti uray siasino a lalaki: ket castaacto met no maipapan kenca.

⁴ Ta dagiti annac ti Israel agtaengdanto iti adu nga al-aldaw nga awanan ari, ken awanan principe, ken awanan daton, ken awanan monmon, ken awanan efod wenno terafin:

⁵ Calpasanna dagiti annac ti Israel agsublidanto, ket sapulendanto ni Jehova a Diosda, ken ni David nga arida, ket umaydanto a sibubuteng ken ni Jehova ken iti kinaimbagna, cadagiti maud-udi nga al-aldaw.