Oseas 13 - Ti Biblia (1973)

Ti pungtot ti Dios gapu iti kinadangkes ti Efraim.

¹ Idi nagsao ti Efraim, adda pigerger; intan-ocna ti bagina met laeng idiay Israel; ngem idi nacabasol gapu ken Baal, isu natay.

² Ket ita agbasolda ti umadu nga umadu, ket nagaramidda cadacuada cadagiti sinucog a ladladawan iti piracda, didiosen met laeng cas mainugot iti bucodda a pannacaawat, isuda amin gapuanan dagiti nalaing a managaramid: cunada a maipapan cadacuada, Dagiti lallaki nga agidaton agependa coma dagiti ur-urbon ti vaca.

³ Gapuna maipadadanto iti ulep iti agsapa ken cas iti linnaaw nga agpucaw a masapa, cas iti taep a paadayuen ti alipugpog iti pagtaltagan, ken vas iti taep a paadayuen ti alinpugpog iti pagtaltgan, ken cas iti asuc a rumuar iti pasngaw.

⁴ Nupay casta siac ni Jehova a Diosmo manipud idiay daga ti Egipto; ket awanto ti bigbigem a dios no di laeng siac, ken awan ti sabali a mangisalacan no saan a siac.

⁵ Siac naammoanca idiay let-ang, idiay daga ti dackel a ticag.

⁶ Cas cadagiti pagarabanda, casta ti pannacabsugda; napnecda, ket kimmuspag ti pusoda; gapuna linipatandac.

⁷ Gapuna a siac cas laac la leon cadacuada; cas la leopardo agsanebacto iti dalan.

⁸ Sarakecto ida cas maysa nga oso a napucawan cadagiti annacna, pigisecto ti cabbut iti pusoda; ket idiay alun-unecto ida cas la leon a cabaian; ti animal nga atap lasanglasangennanto ida.

⁹ Isu ti pannacarbecmo, O Israel, a sica maibusorca caniac, maicaniwas iti tulongmo.

¹⁰ Sadino ti yan ti arim ita, tapno mabalinnaca nga ispalen cadagiti amin nga il-ilim? ken dagiti oc-ocommo, a maipapan cadacuada kinunam, Iccandac iti maysa nga ari ken piprincipe.

¹¹ Iniccanca iti maysa nga ari babaen ti pungtotco ket isu iniccatco babaen ti rungsotco.

¹² Ti kinadakes ti Efraim nabalcut; ti basolna naidulin.

¹³ Dagiti leddaang ti babai nga agpasical, dumtengdanto kencuana: isu maysa nga anac a nanengneng; ta pannawen a saan coma nga agtactac iti disso a pacaipasngayan dagiti annac.

¹⁴ Subbotecto ida iti pannacabalin ni Tanem; subbutecto ida ken patay: O patay, sadino ti yan dagiti angolmo? O Tanem, sadino ti yan ti pangrebbecmo? panagbabawi mailengedto cadagiti matac.

¹⁵ Uray pay nabunga cadagiti cacabsatna, umayto ti angin nga aggapu iti daya, ti anges ni Jehova nga aggapu iti let-ang; ti ubbogna agmaganto, ket ti burayocna mamagaanto: isu samsamennanto ti gupit dagiti amin nga agcacapateg nga al-alicamen.

¹⁶ Ti Samaria awitennanto ti basolna; agsipud ta immalsa a bimmusor iti Diosna: matnagdanto iti campilan; dagiti maladagada maburacdanto, ket dagiti babai a masicog mapisangdanto.