Numero 7 - Ti Biblia (1973)

Dagiti datdaton nga impaay dagiti pangpangolo.

¹ Ket naaramid iti aldaw a ni Moises lineppasna ti pannacabangon ti tabernaculo, ken ti pannacasapsapona, ken ti pannacasantificarna ken amin nga al-alicamenna, casta met ti altar ken amin a vasvasona, ket linanaanna ida ken sinantificarna ida;

² A dagiti pangolo ti Israel, dagiti pangolo dagiti balbalay dagiti ammada impaayda. Dagitoy dagiti pangolo idi dagiti caputotan, dagitoy isuda idi ti nagpangolo cadagiti nabilang:

³ Ket isuda inyegda dagiti datdatonda iti sango ni Jehova, innem a luglugan a natoldaan ken sangapulo ket dua a vacvaca; maysa a lugan iti tunggal dua cadagiti pangolo, ket tunggal maysa, maysa a vaca, ket indatagda ida ti sango ti tabernaculo.

⁴ Ket ni Jehova nakisao ken Moises, a kinunana,

⁵ Awatem dagitoy cadacuada tapno maaramatda a maiservi iti tolda ti gimong; ket itedmonto ida cadagiti Levitas, iti tunggal tao cas mayannurot iti annongna.

⁶ Ket ni Moises inawatna dagiti luglugan ken dagiti vacvaca, ket intedna ida cadagiti Levitas.

⁷ Dua a lugan ken uppat a vaca ti intedna cadagiti annac a lallaki ni Gerson cas mayannurot iti annongda:

⁸ Ket uppat a lugan ken walo a vaca ti intedna cadagiti annac a lallaki ni Merari a cas catutopan ti annongenda, babaen ti panangidalan ni Itamar nga anak a lalaki ni Aaron a padi.

⁹ Ngem cadagiti annac ni Coat awan ti intedna, gapu ta dagiti al-alicamen ti santuario ti maipabagi cadacuada; isuda binaclayda ida.

¹⁰ Ket dagiti pangolo nagdatonda iti maipaay iti pannacaisibbo ti altar iti aldaw a pannacalanana, a dagiti met laeng pangolo impaayda ti datdatonda iti sango ti altar.

¹¹ Ket ni Jehova kinunana ken Moises, Ipaaydanto dagiti datdatonda, tunggal pangolo iti aldawna a maipaay ti pannacaisibbo ti altar.

¹² Ket ti nangidatag iti datonna iti immuna nga aldaw isu ni Naason, nga anac a lalaki ni Aminadab iti caputotan ni Juda:

¹³ Ket ti datonna maysa a pinggan a pirac a timbeng ti sangagasut ket tallopulo a siclo, maysa a malocong a pirac a pitopulo a siclo a cas ti siclo ti santuario; agpadpadada a napno iti namayecmec nga harina a nagamayan iti lana a maipaay a daton a macan;

¹⁴ Maysa a cuchara a balitoc, a sangapulo a siclo, a napno iti incienso;

¹⁵ Maysa nga urbon a vaca a lalaki, maysa a carnero a lalaki, maysa a cordero a lalaki a maysa ti tawenna a maipaay a daton a mapuuran:

¹⁶ Maysa a lalaki cadagiti calcalding a maipaay a daton gapu iti basol;

¹⁷ Ket ti maipaay a sacrificio dagiti datdaton iti cappia, dua a vaca a lallaki, lima a carnero a lallaki, lima a calding a lallaki, lima a cordero a lallaki a maysa ti tawenda: daytoy isu ti daton idi ni Naason nga anac a lalaki ni Aminadab.

¹⁸ Iti maicadua nga aldaw, ni Natanael nga anac a lalaki ni Suar, a pangolo ti Issacar, nangidaton:

¹⁹ Isu indatagna a datonna ti maysa a pinggan a pirac a ti timbengna sangagasut ket tallopulo a siclo, maysa a malocong a pirac a pitopulo a siclo, a cas ti siclo ti santuario; agpadpadada a napno iti namayecmec a bel-laay a nagamayan iti lana, nga agservi a maysa a daton a macan;

²⁰ Maysa a cuchara a balitoc a sangapulo a siclo, a napno iti incienso;

²¹ Maysa a bumaro a vaca, maysa a carnero a lalaki, maysa a lalaki a cordero a maysa ti tawenna, nga agservi a daton a mapuuran;

²² Maysa a lalaki cadagiti calcalding a daton gapu iti basol;

²³ Ket iti agservi a sacrificio dagiti daton iti cappia dua a vaca a lallaki, lima a carnero a lallaki lima a calding a lallaki, lima a lallaki a cordero nga agtawenda iti maysa; daytoy isu ti daton ni Natanael nga anac a lalaki ni Suar.

²⁴ Idi maicatlo nga aldaw ni Eliab nga anac a lalaki ni Helon, a pangulo dagiti annac ni Zabulon:

²⁵ Ti datonna maysa a pinggan a pirac a ti timbengna sangagasut ket tallopulo a siclo, maysa a malucong a pirac pitopulo a siclo a cas ti siclo ti santuario; agpadada a napno iti namayecmec a bel-laay a nagamayan iti lana a maipaay a daton a macan,

²⁶ Maysa a cuchara a balitoc a sangapulo a siclo, a napno iti incienso;

²⁷ Maysa a bumaro a vaca, maysa a carnero a lalaki, maysa a cordero a lalaki nga agtawen iti maysa, nga agservi a daton a mapuuran;

²⁸ Maysa a lalaki cadagiti calcalding a daton gapu iti basol;

²⁹ Ket ti maipaay a sacrificio dagiti datdaton iti cappia, dua a vaca a lallaki, lima a carnero a lalaki lima a calding a lallaki, lima a cordero a lallaki nga agtawenda iti maysa: daytoy isu idi ti daton ni Eliab nga anac a lalaki ni Helon.

³⁰ Idi maicapat nga aldaw ni Elisur nga anac a lalaki ni Sedeur, a pangolo dagiti annac ni Ruben:

³¹ Ti indatonna maysa a pinggan a pirac a ti timbengna sangagasut ket tallopulo a siclo, maysa a malucong a pirac a pitopulo a siclo, cas iti siclo ti santuario; agpadada a napno iti namayecmec a bellaay a nagamayan iti lana, nga agservi a maysa a daton a macan;

³² Maysa a cuchara a balitoc a sangapulo a siclo, a napno iti incienso:

³³ Maysa a bumaro a vaca, maysa a carnero a lalaki, maysa a cordero a lalaki a maysa ti tawenna, a maipaay a daton a mapuuran;

³⁴ Maysa a lalaki cadagiti calding a daton gapu iti basol;

³⁵ Ket ti maipaay a sacrificio dagiti datdaton iti cappia, dua a vaca a lallaki, lima a carnero a lallaki, lima a calding a lallaki, lima a cordero a lallaki nga agtawenda iti maysa: daytoy ti daton idi ni Elisur nga anac a lalaki ni Sedeur.

³⁶ Idi maicalima nga aldaw ni Salumiel nga anac a lalaki ni Zurisaddai, a pangolo dagiti annac ni Simeon:

³⁷ Ti indatonna maysa a pinggan a pirac a ti timbengna sangagasut ket tallopulo a siclo, maysa a malucong a pirac a pitopulo a siclo, a cas ti siclo ti santuario; agpadada a napno iti namayecmec a bellaay a nagamayan iti lana a maipaay a daton a macan;

³⁸ Maysa a cuchara a balitoc a sangapulo a siclo, a napno ti incienso:

³⁹ Maysa a bumaro a vaca, maysa a carnero a lalaki maysa a cordero a lalaki nga agtawen iti maysa, a daton a mapuuran;

⁴⁰ Maysa a lalaki cadagiti calcalding a daton gapu iti basol;

⁴¹ Ket ti maipaay a sacrificio dagiti datdaton iti cappia, dua a vaca a lallaki, lima a carnero a lallaki, lima a calding a lallaki, lima a cordero a lallaki nga agtawenda iti maysa: daytoy ti daton idi ni Salumiel nga anac a lalaki ni Zurisaddai.

⁴² Idi maicanem nga aldaw, ni Eliasaf nga anac a lalaki ni Deuel, a pangolo dagiti annac ni Gad:

⁴³ Ti datonna idi maysa a pinggan a pirac a ti timbengna sangagasut ket tallopulo a siclo, maysa a malucong a pirac a pitopulo a siclo, a cas ti siclo ti santuario; agpadada a napno iti namayecmec a bellaay a nagamayan iti lana a maipaay a daton a macan;

⁴⁴ Maysa a cuchara a balitoc a sangapulo a siclo, a napno iti incienso;

⁴⁵ Maysa a bumaro a vaca, maysa a carnero a lalaki, maysa a cordero a lalaki nga agtawen iti maysa, a daton a mapuuran;

⁴⁶ Maysa a lalaki cadagiti calcalding a daton gapu iti basol;

⁴⁷ Ket ti maipaay a sacrificio dagiti datdaton iti cappia, dua a vaca a lallaki, lima a carnero a lallaki, lima a calding a lallaki, lima a cordero a lallaki a maysa ti tawenda: daytoy ti daton idi ni Eliasaf nga anac ni Deuel.

⁴⁸ Idi maicapito nga aldaw ni Elisama nga anac a lalaki ni Ammiud, a pangolo dagiti annac ni Efraim:

⁴⁹ Ti datonna idi maysa a pinggan a pirac a ti timbengna sangagasut ket tallopulo a siclo, maysa a malucong a pirac a pitopulo a siclo, a cas ti siclo ti santuario; agpadada a napno iti namayecmec a bellaay a nagamayan iti lana nga agservi a daton a macan;

⁵⁰ Maysa a cuchara a balitoc a sangapulo a siclo, a napno iti incienso;

⁵¹ Maysa a bumaro a vaca, maysa a carnero a lalaki, maysa a cordero a lalaki, maysa a cordero a lalaki nga agtawen iti maysa, a daton a mapuuran;

⁵² Maysa a lalaki cadagiti calcalding a daton gapu iti basol;

⁵³ Ket ti maipaay a sacrificio dagiti datdaton iti cappia, dua a vaca a lallaki, lima a carnero a lallaki, lima a calding a lallaki, lima a cordero a lallaki a maysa ti tawenda: daytoy isu idi ti daton ni Elisama nga anac a lalaki ni Ammiud.

⁵⁴ Idi maicawalo nga aldaw ni Gamaliel nga anac a lalaki ni Pedasur, a pangolo dagiti annac ni Manases:

⁵⁵ Ti datonna idi maysa a pinggan a pirac a ti timbengna sangagasut ket tallopulo a siclo, maysa a malucong a pitopulo a siclo, a cas ti siclo ti santuario; agpadada a napno iti namayecmec a bellaay a nagamayan iti lana, nga agservi a daton a macan;

⁵⁶ Maysa a cuchara a balitoc a sangapulo a siclo, a napno iti incienso:

⁵⁷ Maysa a bumaro a vaca, maysa a carnero a lalaki, maysa a cordero a lalaki nga agtawen iti maysa, a daton a mapuuran:

⁵⁸ Maysa a lalaki cadagiti calcalding a daton gapu iti basol;

⁵⁹ Ket ti maipaay a sacrificio dagiti datdaton iti cappia, dua a vaca a lallaki, lima a carnero a lallaki, lima a calding a lallaki, lima a cordero a lallaki a ti tawenda maysa: daytoy ti daton idi ni Gamaliel nga anac a lalaki ni Pedasur.

⁶⁰ Idi maicasiam nga aldaw ni Abidan nga anac a lalaki ni Gedeon a pangolo dagiti annac ni Benjamin:

⁶¹ Ti datonna idi maysa a pinggan a pirac a ti timbengna sangagasut ket tallopulo a siclo, maysa a malucong a pirac a pitopulo a siclo, a cas ti siclo ti santuario; agpadada a napno iti namayecmec a bellaay a nagamayan iti lana, a daton a macan;

⁶² Maysa a cuchara a balitoc a sangapulo a siclo, a napno iti incienso;

⁶³ Maysa a bumaro a vaca, maysa a carnero a lalaki, maysa a cordero a lalaki a maysa ti tawenna, nga agservi a daton a mapuuran;

⁶⁴ Maysa a lalaki cadagiti calcalding a daton gapu iti basol;

⁶⁵ Ket ti maipaay iti sacrificio dagiti datdaton iti cappia, dua a vaca a lallaki, lima a carnero a lallaki, lima a calding a lallaki, lima a cordero a lallaki nga agtawenda iti maysa: daytoy idi ti daton ni Abidan nga anac a lalaki ni Gedeon.

⁶⁶ Idi maicasangapulo nga aldaw ni Ahiezer nga anac a lalaki ni Ammisaddai, a pangolo dagiti annac ni Dan:

⁶⁷ Ti datonna idi maysa a pinggan a pirac a ti timbengna sangagasut ket tallopulo a siclo, maysa a malucong a pirac a pitopulo a siclo, a cas ti siclo ti santuario; agpadada a napno iti namayecmec a bellaay a nagamayan iti lana a daton a macan;

⁶⁸ Maysa a cuchara a balitoc a sangapulo a siclo, a napno iti incienso;

⁶⁹ Maysa a bumaro a vaca, maysa a carnero a lalaki, maysa a cordero a lalaki nga agtawen iti maysa, a maipaay a daton a mapuuran;

⁷⁰ Maysa a lalaki cadagiti calding a daton gapu iti basol;

⁷¹ Ket ti maipaay a sacrificio dagiti datdaton iti cappia, dua a vaca a lallaki, lima a carnero a lallaki, lima a calding a lallaki, lima a cordero a lallaki nga agtawenda iti maysa; daytoy isu idi iti daton ni Ahiezer nga anac a lalaki ni Ammisaddai.

⁷² Idi maicasangapulo ket maysa nga aldaw, ni Pagiel nga anac a lalaki ni Ocran, a pangolo dagiti annac ni Aser:

⁷³ Ti datonna idi maysa a pinggan a pirac a ti timbengna sangagasut ket tallopulo a siclo, maysa a malucong a pirac a pitopulo a siclo, a cas ti siclo ti santuario; agpadada a napno iti namayecmec a bellaay a nagamayan iti lana nga agservi a daton a macan;

⁷⁴ Maysa a cuchara a balitoc a sangapulo a siclo, a napno iti incienso;

⁷⁵ Maysa a bumaro a vaca, maysa a carnero a lalaki, maysa a cordero a lalaki nga agtawen iti maysa, nga agservi a daton a mapuuran;

⁷⁶ Maysa a lalaki cadagiti calcalding a daton gapu iti basol;

⁷⁷ Ket ti maipaay a sacrificio dagiti datdaton iti cappia, dua a vaca a lallaki, lima a carnero a lallaki, lima a calding a lallaki, lima a cordero a lallaki nga agtawenda iti maysa: daytoy ti daton idi ni Pagiel nga anac a lalaki ni Ocran.

⁷⁸ Idi maicasangapulo ket dua nga aldaw ni Ahira nga anac a lalaki ni Enan, a pangolo dagiti annac ni Neftali:

⁷⁹ Ti datonna idi maysa a pinggan a pirac a ti timbengna sangagasut ket tallopulo a siclo, maysa a malucong a pirac a pitopulo a siclo, a cas ti siclo ti santuario; agpadada a napno iti namayecmec a bellaay a nagamayan iti lana a maipaay a daton a macan;

⁸⁰ Maysa a cuchara a balitoc a sangapulo a siclo, a napno iti incienso;

⁸¹ Maysa a bumaro a vaca, maysa a carnero a lalaki, maysa a cordero a lalaki a maysa ti tawenna, a maipaay a daton a mapuuran;

⁸² Maysa a lalaki cadagiti calcalding a daton gapu iti basol;

⁸³ Ket ti maipaay a sacrificio dagiti datdaton iti cappia, dua a vaca a lallaki, lima a carnero a lallaki, lima a calding a lallaki, lima a cordero a lallaki nga agtawenda iti maysa: daytoy isu ti daton idi ni Ahira nga anac a lalaki ni Enan.

⁸⁴ Daytoy ti panagisibbo dagiti pangpangolo ti Israel iti altar idi aldaw a pannacalanana: sangapulo ket dua a pinggan a pirac, sangapulo ket dua a malucong a pirac, sangapulo ket dua a cuchara a balitoc;

⁸⁵ Tunggal pinggan a pirac a timbeng ti sangagasut ket tallopulo a siclo, ken tunggal malucong iti pitopulo; amin a pirac dagiti al-alicamen dua ribo ket uppat a gasut a siclo, a cas ti siclo ti santuario;

⁸⁶ Dagiti sangapulo ket dua a cuchara a balitoc a napno iti incienso a timbeng ti sangapulo a siclo ti maysa, cas iti siclo ti santuario; amin ti balitoc dagiti cuchara sangagasut ket duapulo a siclo;

⁸⁷ Amin a vacvaca a daton a mapuuran sangapulo ket duada, dagiti carcarnero sangapulo ket duada, dagiti corcordero nga agtawen iti maysa sangapulo ket duada, ken ti datonda a macan; ket dagiti lallaki cadagiti calcalding a daton gapu iti basol sangapulo ket duadua;

⁸⁸ Ket amin dagiti vacvaca a maipaay a sacrificio dagiti datdaton iti cappia duapulo ket uppat, dagiti carcarnero innem a pulo, dagiti calcalding innem a pulo, dagiti corcordero nga agtawenda iti maysa innem a pulo. Daytoy isu idi ti pannacaisibbo ti altar idi nalpas a nalanaan.

⁸⁹ Ket idi ni Moises napan iti tolda ti gimong a nakisao kencuana, nangngegna ngarud ti Timec a makisao kencuana nanipud iti ngatoen ti tugaw ti caasi nga adda iti rabaw ti lacasa ti pamanecnec, nanipud iti nagbaetan dagiti dua a kerkerubin: ket isu nakisao kencuana.