Numero 26 - Ti Biblia (1973)

Bendicion ti panagtulnog. Dusa ti panaglabsing.

¹ Ket naaramid calpasan ti didigra, a ni Jehova nakisao cada Moises ken Eleazar nga anac a lalaki ni Aaron a padi, a kinunana,

² Bilangenyo amin ti gimong dagiti annac ti Israel manipud agtawen iti duapulo ken agpangato, cadagiti balbalay dagiti ammada, amin nga Israel a tumutop a mapan iti gubat.

³ Ket da Moises Eleazar a padi nakisaoda cadacuada iti tantanap ti Moab nga abay ti Jordan idiay Jerico a kinunada.

⁴ Bilangenyo, manipud agtawen iti duapulo ken agpangato; cas ni Jehova imbilinna ken Moises, ken cadagiti annac ti Israel, dagidiay rimmuar iti daga nga Egipto.

⁵ Ni Ruben, nga inauna nga anac ti Israel; dagiti annac a lallaki ni Ruben: ni Hanoc, ti familia dagiti Hanocitas; ken Fallu, ti familia dagiti Fallaluitas:

⁶ Ken Hesron, ti familia dagiti Hesronitas; ken Carmi, ti familia dagiti Carmitas.

⁷ Dagitoy idi dagiti famfamilia dagiti Rubbenitas; ket dagiti nabilang cadacuada uppat a pulo ket tallo a ribu ken pito gasut ket tallopuloda.

⁸ Ket dagiti annac a lallaki ni Fallu: ni Eliab.

⁹ Ket dagiti annac a lalaki ni Eliab: da Nemuel ken Datan ken Abiram. Dagitoy da Datan ken Abiram a naayaban iti gimong, a nakisusic cada Moises ken Aaron iti buyot idi ni Core a nakibusorda ken Jehova.

¹⁰ Ket ti daga linuctanna ti ngiwatna, ket inalun-unna ida agraman ken Core, idi a natay daydi buyot; iti daydi nga aldaw a panangalun-un ti apuy iti duagasut ket limapulo a tattao, ket nagbalinda a maysa a pagtandaanan.

¹¹ Nupay casta, dagiti annac ni Core saanda a natay.

¹² Dagiti annac a lallaki ni Simeon cas mayannurot cadagiti famfamiliada: ni Nemuel, ti familia dagiti Nemuelitas ken Jamin, ti familia dagiti Jaminitas; ken Jaquin, ti familia dagiti Jaquinitas:

¹³ Ken Zera, ti familia dagiti Zeraitas; ken Saul, ti familia dagiti Saulitas.

¹⁴ Dagitoy dagiti famfamilia a Simeonitas, duapulo ket dua a ribu ken dua gasutda.

¹⁵ Dagiti annac a lallaki ni Gad cas mayannurot cadagiti famfamiliada; ni Zefon, ti familia dagiti Zefonitas; ken Aggi, ti familia dagiti Aggitas; ken Suni, ti familia dagiti Sunitas;

¹⁶ Ken Ozni, ti familia dagiti Oznitas; ken Eri, ti familia dagiti Eritas;

¹⁷ Ken Aroz, ti familia dagiti Arozitas; ken Areli, ti familia dagiti Arelitas.

¹⁸ Dagitoy dagiti famfamilia dagiti annac a lallaki ni Gad cas mayannurot cadagidiay a nabilang cadacuada, uppat a pulo a ribu ket limagasutda.

¹⁹ Dagiti annac ni Juda: da Er ken Onan; ket ni Er ken ni Onan natayda idiay daga a Canaan.

²⁰ Ket dagiti annac a lallaki ni Juda cas mayannurot cadagiti famfamiliada, isuda: ken Sela, ti familia dagiti Selaitas: ken Fares, ti familia dagiti Faresitas; ken Zera, ti familia dagiti Zeraitas.

²¹ Ket dagiti annac a lallaki ni Fares isuda: ken Hesron, ti familia dagiti Hesronitas; ken Hamul, ti familia dagiti Hamulitas.

²² Dagitoy isuda dagiti famfamilia ni Juda, cas mayannurot cadagidiay a nabilang cadacuada, pitopuloda ket innem a ribu ket lima gasut.

²³ Dagiti annac a lallaki ni Issacar cas mayannurot cadagiti famfamiliada, ni Tola, ti familia dagiti Tolaitas; ken Pua, ti familia dagiti Puanitas;

²⁴ Ken Jasub, ti familia dagiti Jasubitas; ken Semron, ti familia dagiti Semronitas.

²⁵ Dagitoy isuda dagiti famfamilia ni Issacar cas mayannurot cadagidiay a nabilang cadacuada, innem a pulo ket uppat a ribu ket tallo gasutda.

²⁶ Dagiti annac a lallaki ni Zabulon cas mayannurot cadagiti famfamiliada: ni Sered, ti familia dagiti Sereditas; ken Elon, ti familia dagiti Elonitas; ken Jalel, ti familia dagiti Jalelitas.

²⁷ Dagitoy isuda dagiti famfamilia dagiti Zebulonitas, a mayannurot cadagidiay a nabilang cadacuada, innem a pulo a ribu ket lima gasutda.

²⁸ Dagiti annac a lallaki ni Jose, cas mayannurot cadagiti famfamiliada; da Manases ken Efraim.

²⁹ Dagiti annac a lallaki ni Manases: ni Maquir, ti familia dagiti Maquiritas; ket ni Maquir pinototna ni Galaad; ken Galaad, ti familia dagiti Galaaditas.

³⁰ Dagitoy dagiti annac a lallaki ni Galaad: ken Jezer, ti familia dagiti Jezeritas; ken Helec, ti familia dagiti Helecitas;

³¹ Ken Asriel, ti familia dagiti Asrielitas: ken Sechem, ti familia dagiti Sechemitas;

³² Ken Semida, ti familia dagiti Semidaitas; ken Hepher, ti familia dagiti Hepherititas.

³³ Ket ni Safaad, nga anac a lalaki ni Hefer, awan anacna a lalaki, no di la babai: ket dagiti nagan dagiti annac a babbai ni Salfaad isuda idi da Maala, ken Noa, ken Hogla, ken Milca, ken Tirsa.

³⁴ Dagitoy dagiti famfamilia ni Manases: ket dagidiay a nabilang cadacuada limapulo ket dua ribu ket pito gasutda.

³⁵ Dagitoy dagiti annac a lallaki ni Efraim a mayannurot cadagiti famfamiliada; ni Sutela, ti familia dagiti Sutelaitas; ken Becquer, ti familia dagiti Bequeritas; ken Tahan, ti familia dagiti Tahanitas.

³⁶ Ket dagitoy idi dagiti annac a lallaki ni Sutela: ken Heran, ti familia dagiti Heranitas.

³⁷ Dagitoy isuda ti famfamilia dagiti annac a lallaki ni Efraim a mayannurot cadagidiay a nabilang cadacuada, tallopulo ket dua a ribu ket lima gasutda. Dagitoy isuda idi dagiti annac a lallaki ni Jose cadagiti finamfamilia cadacuada.

³⁸ Dagiti annac a lallaki ni Benjamin a mayannurot cadagiti famfamiliada: ni Bela, ti familia dagiti Belaitas; ken Asbel, ti familia dagiti Asbelitas; ken Ahiram, ti familia dagiti Ahiramitas;

³⁹ Ken Sufan, ti familia dagiti Sufanitas: ken Hufam, ti familia dagiti Hufamitas.

⁴⁰ Ket dagiti annac a lallaki ni Bela isuda idi da Ard, ken Naaman: ni Ard, ti familia dagiti Arditas; ken Naaman, ti familia dagiti Naamanitas.

⁴¹ Dagitoy isuda dagiti annac a lallaki ni Benjamin a mayannurot cadagiti famfamiliada: ket dagidiay a nabilang cadacuada uppat a pulo ket lima a ribu ket innem a gasutda.

⁴² Dagitoy dagiti annac a lallaki ni Dan cas mayannurot cadagiti famfamiliada: ken Suham, ti familia dagiti Suhamitas; dagitoy isuda ti famfamilia ni Dan a mayannurot iti famfamiliada.

⁴³ Amin dagiti famfamilia dagiti Suhamitas a mayannurot cadagidiay a nabilang cadacuada, innem a pulo ket uppat a ribu ket uppat a gasutda.

⁴⁴ Dagiti annac a lallaki ni Aser cas mayannurot cadagiti famfamiliada: ni Imna, ti familia dagiti Imnaitas; ken Issui, ti familia dagiti Issuitas; ken Beria, ti familia dagiti Beriaitas.

⁴⁵ Dagiti annac ti lallaki ni Beria: ken Heber, ti familia dagiti Heberitas; ken Malquiel, ti familia dagiti Malquielitas.

⁴⁶ Ket ti nagan ti anac a babai ni Aser isu idi ni Sera.

⁴⁷ Dagitoy isuda dagiti famfamilia dagiti annac a lallaki ni Aser cas mayannurot cadagidiay a nabilang cadacuada, limapuloda ket tallo a ribu ket uppat a gasut.

⁴⁸ Dagiti annac a lallaki ni Neftali a mayannurot cadagiti famfamiliada: ni Jahziel, ti familia dagiti Jahzielitas; ken Guni, ti familia dagiti Gunitas;

⁴⁹ Ken Jeser, ti familia dagiti Jeseritas; ken Sillem, ti familia dagiti Sillemitas.

⁵⁰ Dagitoy isuda dagiti famfamilia ni Neftali cas mayannurot cadagiti famfamiliada: ket dagidiay a nabilang idi cadacuada, uppat a pulo ket lima a ribu ket uppat a gasutda idi.

⁵¹ Dagitoy dagiti nabilang idi cadagiti annac ti Israel, innem a gasut a ribu ken sangaribu ket pito gasut ket tallopuloda.

⁵² Ket ni Jehova nakisao ken Moises, a kinunana,

⁵³ Cadagitoy mabingbingayto ti daga a maipaay a maysa a tawid cas mayannurot iti bilang dagiti nagnagan.

⁵⁴ Iti caaduan, itedmonto ti ad-adu a tawid, ket iti cabassitan, itedmonto ti basbassit a tawid: iti tumunggal maysa cas mayannurot cadagidiay a nabilang kencuana ti tawidna maitedto.

⁵⁵ Nupay casta ti daga maiburburayto iti ginasangasat: cas mayannurot cadagiti nagnagan dagiti capcaputotan dagiti amammada, isuda agtawiddanto.

⁵⁶ Cas mayanatup iti maipagasat, mabingbingayto ti tawidda cadagiti caaduan ken cababassitan.

⁵⁷ Ket dagitoy dagiti nabilang cadagiti Levitas a mayannurot cadagiti famfamiliada: ken Gerson, ti familia dagiti Gersonitas; ken Coat, ti familia dagiti Coatitas; ken Merari, ti familia dagiti Meraritas.

⁵⁸ Dagitoy isuda dagiti famfamilia ni Levi: ti familia dagiti Libnitas, ti familia dagiti Hebronitas, ti familia dagiti Mahalitas, ti familia dagiti Musitas, ti familia dagiti Coritas. Ket ni Coat pinutotna ni Amram.

⁵⁹ Ket ti nagan ti asawa ni Amram, ni Jocabed, nga anac a babai ni Levi, a nayanac ken Levi idiay Egipto: ket isu inyanacna ken Amram da Aaron, ken Moises, ken Miriam a cabsatda a babai.

⁶⁰ Ket ken Aaron nayanac da Nadab ken Abiu, Eleazar ken Itamar.

⁶¹ Ket ni Nadab ken Abiu natayda idi indatagda ti apuy a sabali iti sango ni Jehova.

⁶² Ket dagiti nabilang idi cadacuada dua pulo ket tallo a ribuda, tunggal lalaki nga agtawen manipud iti maysa a bulan ken agpangato; ta isuda saanda a naibilang idi cadagiti annac ti Israel a gapu ta awan ti tawid a naited cadacuada cadagiti annac ti Israel.

⁶³ Dagitoy dagiti binilang da Moises ken Eleazar a padi isuda a nagbilang cadagiti annac ti Israel iti tantanap ti Moab nga abay ti Jordan idiay Jerico.

⁶⁴ Ngem amin cadagitoy awan idi ti maysa a lalaki cadacuada cadagidi binilang da Moises ken Aaron a padi; isuda a nangbilang cadagiti annac ti Israel idiay let-ang ti Sinai.

⁶⁵ Ta ni Jehova sinaona cadacuada, Isuda dinto bumurong a matayda idiay let-ang ket awan ti maysa a lalaki a natda cadacuada malacsid ni Caleb, nga anac ni Jefone, ken Josue nga anac ni Nun.