Numero 1 - Ti Biblia (1973)

Mabilang dagiti tattao a tumutop a mapan iti gubat.

¹ Ket ni Jehova nakisao ken Moises sadiay let-ang ti Sinai, iti tolda ti gimong, iti umuna nga aldaw ti maicadua a bulan, iti maicadua a tawen a calpasan ti ipapanawda iti daga nga Egipto, a kinunana,

² Alaenyo ti bilang ti dagup ti gimong dagiti annac ti Israel, cadagiti finamfamiliada, cadagiti balbalay dagiti ammada a mayannurot iti bilang dagiti nagnagan, tunggal lalaki, mayannatup cadagiti ol-oloda;

³ Manipud agtawen iti duapulo ken nasuroc, amin iti Israel a mabalinda ti mapan iti gubat, sica ken ni Aaron bilangenyonto ida a mayannurot cadagiti buybuyotda.

⁴ Ket addanto cadacayo maysa a lalaki iti tunggal caputotan; tunggal maysa a pangolo ti balay dagiti ammana.

⁵ Ket dagitoy isuda dagiti nagnagan dagiti lallaki a makipagtacderdanto cadacayo. Iti Ruben: ni Elisur nga anac ni Sedeur.

⁶ Iti Simeon: ni Selumiel nga anac ni Surisaddai.

⁷ Iti Juda: ni Naason nga anac ni Aminadab.

⁸ Iti Issacar: ni Natanael nga anac ni Suar.

⁹ Iti Zabulon: ni Eliab nga anac ni Helon.

¹⁰ Cadagiti annac ni Jose: Iti Efraim: ni Elisama nga anac ni Ammiud: iti Manases: ni Gamaliel nga anac ni Pedasur.

¹¹ Iti Benjamin: Ni Abidan nga anac ni Gedeon.

¹² Iti Dan: ni Ahiezer nga anac ni Ammisaddai.

¹³ Iti Aser: ni Pagiel nga anac ni Ocran.

¹⁴ Iti Gad: ni Eliasaph nga anac ni Dehuel.

¹⁵ Iti Neftali: ni Ahira nga anac ni Enan.

¹⁶ Dagitoy isuda dagiti naayaban iti gimong, dagiti pangpangoloen dagiti capcaputotan dagiti ammada; isuda idi dagiti pangpangolo dagiti rinibribu nga Israel.

¹⁷ Ket ni Moises ken Aaron innalada dagitoy a tattao a nainaganan:

¹⁸ Ket inummongda a tiniptipon amin ti gimong iti umuna nga aldaw ti maicadua a bulan; ket isuda impalawagda dagiti capuonanda a mayannurot iti finamfamiliada, cadagiti balbalay dagiti ammada a catutupan ti bilang dagiti nagnagan, manipud iti agtawen iti duapulo ken nasuroc, mayannatup cadagiti ol-oloda.

¹⁹ Cas ti imbilin ni Jehova ken Moises, casta ti pinangbilangna cadacuada idiay tay-ac ti Sinai.

²⁰ Ket dagiti annac ni Ruben, nga inauna nga anac ni Israel, dagiti caputotanda iti finamfamiliada, cadagiti balbalay dagiti ammada a mayannurot iti bilang dagiti nagnagan mayannatup cadagiti ol-oloda, tunggal lalaki nga agtawen manipud iti duapulo ken nasuroc, amin dagiti tumutup a mapan iti gubat.

²¹ Dagidiay a nabilang cadacuada iti caputotan ni Ruben, uppat a pulo ket innem, a ribu ket limagasutda.

²² Cadagiti annac ni Simeon, dagiti caputotanda, iti finamfamiliada, cadagiti balbalay dagiti ammada, dagidiay a nabilang cadacuada a mayannurot iti bilang dagiti nagnagan a mayannatup cadagiti ol-oloda, tunggal lalaki nga agtawen iti duapulo ken nasuroc, amin dagiti tumutop a mapan iti gubat;

²³ Dagidiay a nabilang cadacuada, iti caputotan ni Simoen, limapulo ket siam a ribu ket tallogasutda.

²⁴ Cadagiti annac ni Gad, dagiti caputotanda, iti finamfamiliada, cadagiti balbalay dagiti ammada a mayannurot iti bilang dagiti nagnagan manipud iti agtawen iti duapulo ken nasuroc, amin dagiti tumutop a mapan iti gubat;

²⁵ Dagidiay a nabilang cadacuada iti caputotan ni Gad, uppat a pulo ket lima a ribu, innem a gasut ket limapuloda.

²⁶ Cadagiti annac ni Juda, dagiti caputotanda, iti finamfamiliada, cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

²⁷ Dagidiay a nabilang cadacuada iti caputotan ni Juda pitopulo ket uppat a ribu ket innem a gasutda.

²⁸ Cadagiti annac ni Issacar, dagiti caputotanda, iti finamfamiliada, cadagiti balbalay dagiti ammada, a mayannurot iti bilang dagiti nagnagan, manipud iti duapulo ti tawenna ken nasuroc, amin dagiti tumutop a mapan iti gubat;

²⁹ Dagidiay a nabilang cadacuada iti caputotan ni Issacar, limapulo ket uppat a ribu ket uppat a gasutda.

³⁰ Cadagiti annac ni Zabulon, dagiti caputotanda, iti finamfamiliada, cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat,

³¹ Dagidiay a nabilang cadacuada, iti caputotan ni Zabulon limapulo ket pito a ribu ket uppat a gasutda.

³² Cadagiti annac ni Jose, nainagan cadagiti annac ni Efraim, dagiti caputotanda, iti finamfamiliada, cadagiti balbalay dagiti ammada a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

³³ Dagidiay a nabilang cadacuada, iti caputotan ni Efraim uppat a pulo a ribu ket lima gasutda.

³⁴ Cadagiti annac ni Manases, dagiti caputotanda, iti finamfamiliada, cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

³⁵ Dagidiay a nabilang cadacuada, iti caputotan ni Manases, tallopulo ket dua a ribu ket duagasutda.

³⁶ Cadagiti annac ni Benjamin, dagiti caputotanda, iti finamfamiliada cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

³⁷ Dagidiay a nabilang cadacuada, iti caputotan ni Benjamin, tallopulo ket lima a ribu ket uppat a gasutda.

³⁸ Cadagiti annac ni Dan, dagiti caputotanda, iti finamfamiliada, cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

³⁹ Dagidiay a nabilang cadacuada, iti caputotan ni Dan, innem a pulo ket dua a ribu ket pitogasutda.

⁴⁰ Cadagiti annac ni Aser, dagiti caputotanda, iti finamfamiliada, cadagiti balbalay dagiti ammada, a mayannurot iti bilang, dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

⁴¹ Dagidiay a nabilang cadacuada, iti caputotan ni Aser, uppat a pulo ket maysa a ribu ket limagasutda.

⁴² Cadagiti annac ni Neftali, dagiti capcaputotanda, iti finamfamiliada cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin a tumutop a mapan iti gubat;

⁴³ Dagidiay a nabilang cadacuada iti caputotan ni Neftali, limapulo ket tallo a ribu ket uppat a gasutda.

⁴⁴ Dagitoy isuda ti nabilang a binilang ni Moises ken ni Aaron, ken dagiti pangpangoloen ti Israel a sangapulo ket dua a lallaki; tumunggal maysa cadacuada ti pannacabagi ti balay dagiti ammana.

⁴⁵ Iti casta amin dagidiay a nabilang cadagiti annac ti Israel, mayannurot cadagiti balbalay dagiti ammada, nanipud iti agtawen iti duapulo ken nasuroc, amin iti Israel a tumutop a mapan iti gubat;

⁴⁶ Nga amin met laeng dagidiay a nabilang innem a gasut ket tallo a ribu, limagasut ket limapuloda.

⁴⁷ Ngem dagiti Levitas cas iti caputotan dagiti ammada saanda a naibilang cadacuada.

⁴⁸ Ta ni Jehova nakisao ken Moises, a kinunana,

⁴⁹ Ngem ti caputotan ni Levi dicanto ibilang, wenno dicanto idagup cadagiti annac ti Israel;

⁵⁰ Ngem itudingmo dagiti Levitas nga agaywan iti tabernaculo ti pamanecnec, ken amin nga al-alicamenna, ken iti amin nga ar-aruatenna: isuda ti mangawitto iti tabernaculo ken amin nga al-alicamenna; ket isuda ti mangannongto kencuana, ket agtoldadanto iti lawlaw ti tabernaculo.

⁵¹ Ket no ti tabernaculo umacar, dagiti Levitas lasanngendanto, ket no ti tabernaculo mabangonto, dagiti Levitas sangalendanto; ket ti gangannaet nga umasideg mapapatayto.

⁵² Ket dagiti annac ti Israel patacderendanto dagiti toltoldada, tunggal lalaki iti cabuyotanna met laeng, ken tunggal lalaki iti wagaywayna met laeng a mayabuloy cadagiti buybuyotda.

⁵³ Ngem dagiti Levitas agtoldadanto iti lawlaw ti tabernaculo ti pamanecnec, tapno awanto ti pungtot a lac-amen ti gimong dagiti annac ti Israel: ket dagiti Levitas aluadandanto ti pannacaaywan ti tabernaculo ti pamanecnec.

⁵⁴ Castoy ti inaramid dagiti annac ti Israel; a mayannurot iti isu-amin nga imbilin ni Jehova ken Moises, casta ti inaramidda.