Nehemias 7 - Ti Biblia (1973)

Mapunitan dagiti ruangan iti rabii. Dagiti immuna a nagsubli a naggapu sadi Babilonia. Ti amin a bilangda. Pirac a maited iti templo.

¹ Ket naaramid idi a nabangon ti bacud, ket impatacderco dagiti ruangan, ket dagiti bantay-ruangan ken dagiti cumacanta ken dagiti Levitas nadutocandan.

² Nga impaaywanco ti Jerusalem ken cabsatco a lalaki a Hanani, ken ni Hananias a gobernador ti castillo; ta isu idi ti maysa a lalaki a matalec, ket managbutbuteng iti Dios a nangnangrona ngem cadagiti adu.

³ Ket kinunac cadacuada, Saanda coma a maluctan dagiti ruangan ti Jerusalem agingga iti pumudot ti init; ket iti bayat ti panagtacderda iti panagguardia, punitanda coma dagiti ruangan, ket balunetanyo ida: ket dutocanyo dagiti agbantay nga agnaed iti Jerusalem, tunggal maysa iti pagbantayanna, ken tunggal maysa maipaay iti sango ti balayna.

⁴ Ti ciudad acaba idi ken atiddug; ngem dagiti tattao bassitda idi kencuana, ket awan ti nabangon a balbalay.

⁵ Ket impapuso caniac ti Dios ti panangurnong cadagiti natacneng, ken dagiti agturturay, ken dagiti tattao, tapno mabilangda iti pinoonpoon. Ket nasaracac ti libro ti pinoonpoon cadagidiay a simmang-at idi immuna, ket nasaracac a naisurat iti dayta:

⁶ Dagitoy isuda dagiti annac ti provincia, a simmang-at a naggapu iti pannacacayaw dagiti naipan idi, nga impan idi ni Nabucodonosor nga ari ti Babilonia, ket nagsublida idiay Jerusalem ken iti Juda, tunggal maysa iti ilina;

⁷ Dagidi nakicuyog cada Zorobabel, Jesua, Nehemias, Azarias, Raamias, Nahamani, Mardokeo, Bilsan, Misperet, Bigvai, Nehum, Baana. Ti bilang dagiti lallaki cadagiti tattao ti Israel:

⁸ Dagiti annac ni Paros, duaribu sangagasut ket pitopulo ket dua.

⁹ Dagiti annac ni Sefatias, tallogasut pitopulo ket dua.

¹⁰ Dagiti annac ni Ara, innem a gasut limapulo ket dua.

¹¹ Dagiti annac ni Pahat-moab, cadagiti annac da Jesua ken Joab, duaribu walogasut sangapulo ket walo.

¹² Dagiti annac ni Elam, sangaribu duagasut limapulo ket uppat.

¹³ Dagiti annac ni Zattu, walogasut uppat a pulo ket lima.

¹⁴ Dagiti annac ni Zacai, pitogasut ket innem a pulo.

¹⁵ Dagiti annac ni Binui, innem a gasut uppat a pulo ket walo.

¹⁶ Dagiti annac ni Bebai, innem a gasut duapulo ket walo.

¹⁷ Dagiti annac ni Azgad, duaribu innem a gasut duapulo ket dua.

¹⁸ Dagiti annac ni Adonicam, innem a gasut innem a pulo ket pito.

¹⁹ Dagiti annac ni Bigvai, duaribu innem a pulo ket pito.

²⁰ Dagiti annac ni Addin, innem a gasut limapulo ket lima.

²¹ Dagiti annac ni Ater, ni Ezekias, siam a pulo ket walo.

²² Dagiti annac ni Hasum, tallogasut duapulo ket walo.

²³ Dagiti annac ni Besai, tallogasut duapulo ket uppat.

²⁴ Dagiti annac ni Aarif, sangagasut sangapulo ket dua.

²⁵ Dagiti annac ni Gabaon, siam a pulo ket lima.

²⁶ Dagiti lallaki ti Bet-lehem, ken ti Netofa, sangagasut walopulo ket walo.

²⁷ Dagiti lallaki ti Anatot, sangagasut duapulo ket walo.

²⁸ Dagiti lallaki ti Bet-azmavet, uppat a pulo ket dua.

²⁹ Dagiti lallaki ti Kiriat-jearim, Cefira, ken Beerot, pitogasut uppat a pulo ket tallo.

³⁰ Dagiti lallaki ti Rama ken ti Gabaa, innem a gasut duapulo ket maysa.

³¹ Dagiti lallaki ti Micmas, sangagasut duapulo ket dua.

³² Dagiti lallaki ti Bet-el ken Ai, sangagasut duapulo ket tallo.

³³ Dagiti lallaki ti sabali a Nebo, limapulo ket dua.

³⁴ Dagiti annac ni sabali nga Elam, sangaribu duagasut limapulo ket uppat.

³⁵ Dagiti annac ni Harim, tallogasut ket duapulo.

³⁶ Dagiti annac ti Jerico, tallogasut uppat a pulo ket lima.

³⁷ Dagiti annac ti Lod, Hadid, ken Ono, pitogasut duapulo ket maysa.

³⁸ Dagiti annac ti Senaa, talloribu siam a gasut ket tallopulo.

³⁹ Dagiti papadi: dagiti annac ni Jedaias ti balay ni Jesua, siam a gasut pitopulo ket tallo.

⁴⁰ Dagiti annac ni Immer, sangaribu limapulo ket dua.

⁴¹ Dagiti annac ni Pasur, sangaribu duagasut uppat a pulo ket pito.

⁴² Dagiti annac ni Harim, sangaribu sangapulo ket pito.

⁴³ Dagiti Levitas: dagiti annac ni Jesua, ni Cadmiel, cadagiti annac ni Odevia, pitopulo ket uppat.

⁴⁴ Dagiti cumacanta: dagiti annac ni Asaf, sangagasut uppat a pulo ket walo.

⁴⁵ Dagiti agaywan iti ruangan: dagiti annac ni Sallum, dagiti annac ni Ater, dagiti annac ni Talmon, dagiti annac ni Accub, dagiti annac ni Hatita, dagiti annac ni Sobai, sangagasut tallopulo ket walo.

⁴⁶ Dagiti Neteineos: dagiti annac ni Siha, dagiti annac ni Hasufa, dagiti annac ni Tabaot.

⁴⁷ Dagiti annac ni Kereos, dagiti annac ni Siaa, dagiti anac ni Fadon.

⁴⁸ Dagiti annac ni Lebana, dagiti annac ni Hagaba, dagiti annac ni Salmai,

⁴⁹ Dagiti annac ni Hanan, dagiti annac ni Giddel, dagiti annac ni Gahar,

⁵⁰ Dagiti annac ni Rehaia, dagiti annac ni Resin, dagiti anac ni Necoda,

⁵¹ Dagiti annac ni Gazzam, dagiti annac ni Uzza, dagiti annac ni Fasea.

⁵² Dagiti annac ni Besai, dagiti annac ni Meunim, dagiti annac ni Nefusesim,

⁵³ Dagiti annac ni Bacbuc, dagiti annac ni Hacupha, dagiti annac ni Harhur,

⁵⁴ Dagiti annac ni Baslitf, dagiti annac ni Mehida, dagiti annac ni Harsa,

⁵⁵ Dagiti annac ni Barcos, dagiti annac ni Sisera, dagiti annac ni Tema,

⁵⁶ Dagiti annac ni Nesia, dagiti annac ni Hatifa.

⁵⁷ Dagiti annac dagiti ad-adipen ni Salomon: dagiti annac ni Sotai, dagiti annac ni Soferet, dagiti annac ni Perida,

⁵⁸ Dagiti annac ni Jahala, dagiti annac ni Darcon, dagiti annac ni Giddel,

⁵⁹ Dagiti annac ni Sefatias, dagiti annac ni Hattil, dagiti annac ni Pokeret-hassebaim, dagiti annac ni Amon.

⁶⁰ Amin dagiti Netineos, ken dagiti annac dagiti ad-adipen ni Salomon, tallo gasut siam a puloda ket dua.

⁶¹ Ket dagitoy isuda idi dagiti simmang-at a naggapu iti Tel-mela, Tel-harsa, Kerub, Addon, ken Immer; ngem dida nabalin nga impanecnec dagiti balbalay dagiti ammada, uray ti caputotanda no insuda naggapuda iti Israel;

⁶² Dagiti annac ni Dalaia, dagiti annac ni Tobias, dagiti annac ni Necoda, innem a gasut uppat a pulo ket dua.

⁶³ Ket cadagiti papadi: dagiti annac ni Habaias, dagiti annac ni Hackoz, dagiti annac ni Berzillai, a nangasawa idi iti maysa cadagiti annac a babbai ni Berzillai a Galaadita, ket nanaganan idi a mayannurot iti naganda.

⁶⁴ Dagitoy sinapulda ti nacairegistoanda iti tengnga dagidiay a nabilang iti pinoonpoon, ngem saan idi a nasaracan: gapuna a naipatoda a narugit, ket naiccatda iti kinapadi.

⁶⁵ Ket kinuna ti gobernador cadacuada, a dida mangan coma cadagiti casantoan unay a banag, agingga iti nacapagtacder idiay ti maysa a padi agraman Urim ken Tumim.

⁶⁶ Ti dagup ti gimong a naguornong uppat a pulo ket dua a ribu tallogasutda ket innem a pulo.

⁶⁷ Sabali laeng dagiti ad-adipenda a lallaki ken babbai, a pitoribu tallogasuttallopulo ket pito: ket addaanda idi iti dua gasut uppat a pulo ket lima nga agcancanta a lallaki ken babbai.

⁶⁸ Dagiti cabayoda pitogasut tallopuloda ket innem; dagiti muloda, duagasut uppat a pulo ket lima;

⁶⁹ Dagiti camelloda, uppat a gasut tallopulo ket lima; dagiti asnoda, innem a ribu pitogasut ket duapulo.

⁷⁰ Ket dagiti dadduma a naggapu cadagiti pangoloen dagiti balbalay dagiti amma nangtedda a maipaay iti aramid. Ti gobernador intedna iti paggamengan ti sangaribu a daric a balitoc, limapulo a palangana, limagasut ket tallopulo a pagan-anay dagiti papadi.

⁷¹ Ket dagiti dadduma cadagiti pangoloen dagiti balbalay cadagiti amma intedda iti paggamengan ti aramid duapulo a ribu a daric a balitoc, ken duaribu ket duagasut a libra a pirac.

⁷² Ket ti inted ti matda cadagiti tattao duapulo a ribu a daric idi a balitoc, ken duaribu a libra a pirac, ken innem a pulo ket pito a pagan-anay dagiti papadi.

⁷³ Iti casta dagiti papadi, ken dagiti Levitas, ken dagiti agaywan iti ruangan, ken dagiti cumacanta, ken ti dadduma cadagiti tattao, ken dagiti Natineos, ken amin nga Israel nagnaedda cadagiti il-ilida. Ket idi a ti maicapito a bulan dimteng, dagiti annac ti Israel addadan cadagiti il-ilida.