Malakias 4 - Ti Biblia (1973)

Ti maudi a panangbalacad.

¹ Ta, adtoy, ti aldaw umay, manguram a cas la horno; ket amin dagiti natangsit, ken amin dagiti agaramid iti dakes, pungetdanto; ket ti aldaw nga umay uramennanto ida, cuna ni Jehova dagiti buybuyot, a dinto mangitidda cadacuada uray ramut uray sanga.

² Ngem cadacayo nga agbuteng iti naganco lumgacto ti init ti kinalinteg agraman mangpasalun-at a payacna; ket rumuarcayto, ken aglagtocayto a cas la iti urbon ti vaca a nairuar iti pagpupocan.

³ Ket dacayo payatenyonto ti managdacdakes; ta isuda dapdapudanto iti baba ti dapanyo iti aldaw nga aramidecto, cuna ni Jehova dagiti buybuyot.

⁴ Lagipenyo ti linteg ni Moises nga adipenco, nga imbilinco kencuana idiay Horeb nga agpaay iti amin nga Israel, linlinteg met laeng ken bilbilin.

⁵ Adtoy, nga ibaonconto cadacayo ni Elias a mammadto iti sacbay ti iyaay ti dackel ken nacakigkigtot nga aldaw ni Jehova.

⁶ Ket isu isublinanto ti puso dagiti amma cadagiti annac, ken ti puso dagiti annac cadagiti ammada; di la ket ta siac umayac ket cabilec ti daga iti panangilunod.