Josue 15 - Ti Biblia (1973)

Ti sacup ti Juda. Ni Otoniel cayawanna ti Hebron. Dagiti il-ili ti Juda.

¹ Ket ti gasat nga agpaay iti caputotan dagiti annac ni Juda a cas mayalubog cadagiti famfamiliada isu idi ti agpatingga iti beddeng ti Edom, ti met laeng let-ang ti Zin iti abagatan, iti caadayuan a paset ti abagatan.

² Ket ti beddengda iti abagatan isu idi ti manipud iti caadayuan a paset ti Baybay ti Asin, manipud iti sucucna nga agpaabagatan;

³ Ket rimmuar nga agpaabagatan iti sang-atan ti Acrabim, ket nagtuloy agingga iti Zin, ket simmangat iti abagatan ti Cades-barnea ket nagtuloy iti Jesron, ket simmang-at aginggana iti Addar, ket agsicco agingga iti Carca;

⁴ Ket nagtuloy agingga iti Azmon, ket rimmuar iti waig ti Egipto; ket dagiti pagruaran daytoy a beddeng addada iti taaw: daytoy isunto ti nakinabagatan a beddengyo.

⁵ Ket ti nakin-daya a beddeng isu ti Baybay ti Asin, inggana met laeng iti pungto ti Jordan. Ket ti beddeng ti nakinamianan a bangir isu idi ti manipud iti sucuc ti baybay nga adda iti pungto ti Jordan;

⁶ Ket ti beddeng simmang-at inggana iti Bet-hogla, ket nagtuloy iti amianan agingga iti Bet-araba; ken ti beddeng simmang-at iti bato ni Bohan nga anac a lalaki ni Ruben;

⁷ Ket ti beddeng simmang-at agingga iti Dabir manipud iti lobong ti Acor ket iti casta nagpaamianan, a pumerreng iti Gilgal, nga adda iti sango ti sang-atan ti Adumin, nga adda iti akinabagatan a bangir ti carayan; ket ti beddeng naglayon cadagiti dandanum ti En-semes, ket dagiti pagruaran daytoy adda idi iti Enrogel;

⁸ Ket ti beddeng simmang-at iti lobong ti anac a lalaki ni Hinnom inggana iti abay nga abagatan ti Jebuseo (nga isu met laeng ti Jerusalem); ket ti beddeng simmang-at agingga iti tapaw ti bantay nga adda iti sango ti lobong ti Hinnom iti laud, isu nga adda iti caadayuan a paset ti lobong ti Rafaim iti agpaamianan;

⁹ Ket ti beddeng naglayon nanipud iti tapaw ti bantay agingga iti ubbog dagiti dandanum ti Neftoa, ket timpuar agingga cadagiti il-ili ti bantay Epfron; ket ti beddeng naglayon agingga iti Baala (nga isu met laeng ti Kiryat-jearim):

¹⁰ Ket ti beddeng nagsicco nanipud iti Baala iti laud inggana iti bantay Seir, ket naglayon agingga iti bacras ti bantay Jearim iti amianan (nga isu met laeng ti Kesalon), ket nagsalog agingga iti Bet-semes ket naglayon iti Timna;

¹¹ Ket ti beddeng rimmuar iti abay ti Ecron nga agpaamianan; ket ti beddeng naglayon iti Sicron, ket naglayon iti bantay Baala, ket rimmuar idiay Jabneel; ket dagiti pagruaran ti beddeng addada idiay taaw.

¹² Ket ti akin-laud a beddeng isu idi ti agingga iti taaw a dackel ken ti igidna. Daytoy isu ti beddeng dagiti annac ni Juda a cas mayannurot cadagiti famfamiliada.

¹³ Ket isu iniccanna ni Caleb nga anac a lalaki ni Jefone iti maysa nga apag cadagiti annac ni Juda, a cas mayannurot iti bilin ni Jehova ken Josue, iti met laeng Kiryat-arba, ni Arba nga isu idi ti ama ni Enac (nga isu met laeng ti Hebron).

¹⁴ Ket ni Caleb pinasiana idiay dagiti tallo nga annac a lallaki ni Enac; da Sesai, Aiman, ken Talmai, nga annac ni Enac.

¹⁵ Ket nanipud sadiay simmang-at a maibusor cadagiti agnaed idiay Debir: ti Kiryat-sefer isu ti nagan ti Debir idi unana a tiempo.

¹⁶ Ket ni Caleb kinunana, Daydiay a mangcabil iti Kiryat-sefer, ket isu alaenna, isu ti pangyasawacto ken anacco nga Acsa.

¹⁷ Ket ni Otoniel nga anac a lalaki ni Cenez, a cabsat a lalaki ni Caleb isu innalana: ket isu inyasawana kencuana ni Acsa nga anacna.

¹⁸ Ket naaramid, nga idi a ni Acsa immay ken Otoniel, tinignayna ni Otoniel a dumawat ken amana iti maysa a talon: ket ni Acsa dimsaag idi asnona; ket ni Acsa dimsaag idi asnona; ket ni Caleb kinunana kencuana, Ania ti cayatmo?

¹⁹ Ket kinunana, Iccannac ti bendicion; ta sica insaadnac iti daga ti abagatan, iccannac met cadagiti ub-ubbog ti danum. Ket isu intedna dagiti nakinngato ken nakinbaba nga ub-ubbog.

²⁰ Daytoy isu ti tawid ti caputotan dagiti annac ni Juda a cas mayannurot cadagiti famfamiliada.

²¹ Ket dagiti caadayuan nga il-ili ti caputotan dagiti annac ni Juda nga agturong iti beddeng ti Edom idiay abagatan isuda Cabseel, ken Eder, ken Jagur,

²² Ken Cina, ken Dimona, ken Adada,

²³ Ken Cedes, ken Asor, ken Itnan,

²⁴ Zif, ken Telem, ken Bealot,

²⁵ Ken Asor-hadatta, ken Keriyathesron, (nga isu met laeng ti Asor),

²⁶ Amam, ken Sema, ken Molada,

²⁷ Ken Asar-gadda, ken Hesmon, Bet-pelet,

²⁸ Ken Hasar-sual, Beerseba, ken Bizotia,

²⁹ Baala, ken Iyim, ken Esem,

³⁰ Ken Eltolad, ken Cesil, ken Horma,

³¹ Ken Siclag, ken Madmanna, Sansana,

³² Ken Lebaot, Silim, ken Ayin, ken Rimmon; dagup amin dagiti il-ili duapuloda ket siam, agraman dagiti purpurocda.

³³ Iti tanap, Estaol, ken Sorea, ken Asena,

³⁴ Ken Zanoe, ken Engannim, Tappua, ken Enam,

³⁵ Jarmut, ken Adullam, Soco, ken Aceca,

³⁶ Ken Saraim, ken Adithaim, ken Gedera, ken Gederotaim; sangapulo ket uppat nga il-ili agraman purpurocda.

³⁷ Senan, ken Hadasa, ken Migdalgad,

³⁸ Ken Dilan, ken Mizpa, ken Jocteel,

³⁹ Ken Laquis, ken Boscath, ken Eglon,

⁴⁰ Ken Cabon, ken Lamas, ken Kitlis,

⁴¹ Ken Gederot, Bet-dagon, ken Naama, ken Maceda; sangapulo ket innem nga il-ili agraman purpurocda.

⁴² Libna, ken Eter, ken Asan,

⁴³ Ken Jifta, ken Asena, ken Nesib,

⁴⁴ Ken Ceila, ken Aczib, ken Maresa; siam nga il-ili agraman purpurocda.

⁴⁵ Ecron agraman dagiti il-ili na ken purpurocna;

⁴⁶ Manipud Ecron agingga iti taaw met laeng, isu-amin nga adda iti abay ti Asdod, agraman ti purpurocda.

⁴⁷ Ti Asdod, dagiti il-ilina ken dagiti purpurocna; Gaza, dagiti il-ilina ken dagiti purpurocna; inggana iti waig ti Egipto ken iti dackel a taaw, ken ti beddengna.

⁴⁸ Ket iti caturodan, Samir, ken Jattir, ken Succot,

⁴⁹ Ken Danna, ken Kiryat-sana (nga isu met laeng ti Debir),

⁵⁰ Ken Anab, ken Estemo, ken Anim,

⁵¹ Ken Gosen, ken Olon, ken Gilo; sangapulo ket maysa nga il-ili agraman purpurocda.

⁵² Arab, ken Duma, ken Esan,

⁵³ Ken Janum, ken Bet-tappua, ken Afeca,

⁵⁴ Ken Humta, ken Kiryat-arba, (nga isu met laeng ti Hebron), ken Sior; siam nga il-ili agraman purpurocda.

⁵⁵ Maon, Carmel, ken Zif, ken Juta,

⁵⁶ Ken Zezrael, Jocdeam, ken Zanoa,

⁵⁷ Cain, Gibeo, ken Timma; sangapulo nga il-ili agraman purpurocda.

⁵⁸ Halhul, ken Bet-sur, ken Gedor,

⁵⁹ Ken Meara, ken Bet-anot, ken Eltecon; innem nga il-ili agraman purpurocda.

⁶⁰ Kiryat-baal, (nga isu met laeng ti Chiriath-jearim), ken ti Rabba; dua nga il-ili agraman purpurocda.

⁶¹ Idiay let-ang, Ber-araba, Middin ken Secacha,

⁶² Ken Nibsan, ken ti Ili ti Asin, ken Engedi; innem nga il-ili agraman purpurocda.

⁶³ Ket no maipapan cadagiti Jebuseos, a nagnaed iti Jerusalem, dagiti annac ni Juda dida nabalin a pinagtalao ida no di ket ti Jebuseo nakipagnaed cadagiti annac ni Juda idiay Jerusalem inggana itoy nga aldaw.