Josue 12 - Ti Biblia (1973)

Ti nacadagupan dagiti ar-ari a kinabil ni Josue.

¹ Ita dagitoy dagiti ar-ari ti daga, isuda a kinabil dagiti annac ti Israel, ket tinagicuada dagiti dagdagada iti ballasiw ti Jordan nga agturong iti leleggacan ti init, manipud iti lobong ti Arnon inggana iti bantay Hermon, ken isu-amin nga Araba nga agpadaya:

² Ni Sehon nga ari dagiti Amorreos, a nagnaed idiay Hesbon, ken nagturay manipud Aroer, nga adda iti igid ti lobong ti Arnon, ken iti ili nga adda iti tengnga ti lobong, ken caguddua ti Galaad, agpatingga met laeng iti carayan Jaboc, a beddeng dagiti annac ni Ammon;

³ Ken ti Araba agingga iti baybay ti Cineret, nga agpadaya, ken inggana iti baybay ti Araba, a iti met laeng Baybay ti Asin, nga agpadaya, iti dalan nga agturong sadi Bet-jesimot; ken agpaabagatan; iti baba dagiti bacras ti Pisga:

⁴ Ket ti beddeng ni Og nga ari ti Basan, a natda cadagiti Rafeos, a nagtaeng idiay Astarot ken idiay Edrei,

⁵ Ket nagturay idiay bantay Hermon, ken idiay Salca, ken isu-amin a Basan, agingga iti beddeng dagiti Gesureo ken Maacateo, ken caguddua ti Galaad, a beddeng ni Sehon nga ari ti Hesbon.

⁶ Ni Moises nga adipen ni Jehova ken dagiti annac ti Israel kinabilda ida: ket ni Moises nga adipen ni Jehova intedna nga agpaay iti panagtagicua cadagiti Rubenitas, ken cadagiti Gaditas, ken iti caguddua ti caputotan ni Manases.

⁷ Ket dagitoy isuda dagiti ar-ari ti daga a kinabil ni Josue ken dagiti annac ti Israel iti ballasiw ti Jordan iti agpalaud, manipud Baal-gad idiay lobong ti Libano agingga idiay bantay Halac, a sumang-at idiay Seir (ket ni Josue intedna cadagiti caputotan ti Israel nga agpaay iti panagtagicua cadacuada a cas mayannurot iti bingbingayda;

⁸ Iti caturodan ken iti tanap, ken idiay Araba ken idiay bacbacras, ken idiay let-ang ken idiay Abagatan; ti Heteo, ti Amorreo, ti Cananeo, ti Ferezeo, ti Heveo, ken ti Jebuseo):

⁹ Ti ari ti Jerico, maysa; ti ari ti Ai nga adda iti abay ti Bet-el, maysa;

¹⁰ Ti ari ti Jerusalem, maysa; ti ari ti Hebron, maysa;

¹¹ Ti ari ti Jarmut, maysa; ti ari ti Laquis, maysa;

¹² Ti ari ti Eglon, maysa; ti ari ti Gezer, maysa;

¹³ Ti ari ti Debir, maysa; ti ari ti Geder, maysa;

¹⁴ Ti ari ti Horma, maysa; ti ari ti Bet-el, maysa;

¹⁵ Ti ari ti Libna, maysa; ti ari ti Adullam, maysa;

¹⁶ Ti ari ti Maceda, maysa; ti ari ti Beth-el, maysa;

¹⁷ Ti ari ti Tappua, maysa; ti ari ti Hefer, maysa;

¹⁸ Ti ari ti Afec, maysa; ti ari ti Lasaron, maysa;

¹⁹ Ti ari ti Madon, maysa; ti ari ti Hazor, maysa;

²⁰ Ti ari ti Simron-meron, maysa; ti ari ti Acsaf, maysa;

²¹ Ti ari ti Taanac, maysa; ti ari ti Meguido, maysa;

²² Ti ari ti Cedes, maysa; ti ari ti Jocneam idiay Carmel, maysa;

²³ Ti ari ti Dor idiay pantoc ti Dor, maysa; ti ari ti Gentes idiay Gilgal, maysa;

²⁴ Ti ari ti Tirsa, maysa; amin dagitoy nga ar-ari tallopuloda ket maysa.