Jonas 2 - Ti Biblia (1973)

Ti cararag ni Jonas.

¹ Idin nagcararag ni Jonas ken ni Jehova a Diosna nanipud idiay tian ti ican.

² Ket kinunana, inawagac ni Jehova gapu iti pacarigatac, ket dinengngegnac; nanipud idiay tian ni Tanem immawagac, ket dinengngegmo ti timecco.

³ Ta intappuacnac idiay caadalman, iti puso dagiti taaw, ket ti layus linicmutnac; amin dagiti dalluyon ken al-al-lonmo nagballasatda iti rabawco;

⁴ Ket kinunac, mapagtalawac iti imatangmo; ngem maimatangacto manen ti nasantoan a templom.

⁵ Dagiti dandanum linicmutdac pati toy cararuac; ti yuyeng linicmutnac; dagiti roroot nagsamoy ditoy oloc.

⁶ Simmalugac cadagiti puon dagiti banbantay; ti lubong agraman dagiti balunetna nangrikepda iti agnanayon ti rabawco: ngem sica inaonmo ti biagco iti dariwangwang, O Jehova a Diosco.

⁷ Idi a toy cararuac nagcapuy caniac, nalagipco ni Jehova; ket ti cararagco dimmanon kenca, iti nasantoan a templom.

⁸ Dagiti agragut iti kinaubbaw a mangiculbo idianda ti caasida met laeng.

⁹ Ngem agidatonacto kenca a mapacuyogan iti timec ti panagyaman; tungpalecto ti incaric. Ti pacaisalacanan agtaud ken ni Jehova.

¹⁰ Ket nagsao ni Jehova iti ican ket impugsona ni Jonas iti daga a namaga.