Jeremias 45 - Ti Biblia (1973)

Ti impadamag ni Jeremias ken Baruc.

¹ Ti sao ni Jeremias a mammadto nga insaona ken Baruc nga anac ni Nerias idi insuratna daytoy a sao iti maysa a libro nanipud iti ngiwat ni Jeremias, iti maicapat a tawen ni Joakim nga anac ni Josias, nga ari ti Juda, a kinunana,

² Castoy ti cuna ni Jehova, a Dios ti Israel, kenca, O Baruc:

³ Sica kinunam, Asiac pay! ta ni Jehova innayonna ti ladingitco iti tuocco; naotoyanac iti panagunnoyco, ket diac macasarac ti inana.

⁴ Castoy ti cunamto kencuana, Castoy ti cuna ni Jehova: Adtoy ti binangonco, rugpoecto, ket ti immulac parutecto; ket castoy iti amin a daga.

⁵ Ket sapulem dagiti dadackel a banbanag a maipaay kenca met laeng? dica ida sapulen; ta adtoy, yegconto ti dakes iti amin a lasag, cuna ni Jehova; ngem ti biagmo itdecto kenca a cas sinamsammo iti amin a disso a papanam.