Genesis 36 - Ti Biblia (1973)

Dagiti Putputot ni Esau. Dagiti Pangpangolo ti Edom. Dagiti Annac a Lallaki ni Seir. Dagiti Ar-ari ti Edom.

¹ Dagitoy dagiti putputot ni Esau (isu ti Edom).

² Ni Esau innalana dagiti assawana cadagiti annac a babbai ti Canaan: ni Ada, anac ni Elon a Hetheo, ken ni Aholibama, anac ni Ana, nga anac ni Zibeon nga Heveo,

³ Ken ni Basemaht, anac a babai ni Ismael, a cabsat ni Navaioth.

⁴ Ket ni Ada inyanacna ken Esau ni Eliphaz; ket ni Basemath inyanacna ni Reuel;

⁵ Ket ni Aholibama inyanacna ni Jeus, ken ni Jaalam, ken ni Cora: dagitoy dagiti annac a lallaki ni Esau, a nayanac kencuana sadiay daga a Canaan.

⁶ Ket ni Esau innalana dagiti assawana, ken dagiti annacna a lallaki ken babbai, ken amin a tattao iti balayna, ken dagiti vacvacana ken amin nga an-animalna, ken amin a cucuana, a nasapsapulanna idiay daga a Canaan; ket napan iti maysa a daga nga adayu ken Jacob a cabsatna.

⁷ Ta casta ti caadu dagiti cucuada idi, a dida mabalin ti agtipon iti pagyanan; ket ti daga a pagnaedanda saan a macaanay a gapu cadagiti an-animalda.

⁸ Ket ni Esau nagnaed idiay bantay a Seir: ni Esau isu ti Edom.

⁹ Ket dagitoy dagiti putputot ni Esau nga ama dagiti Edomitas idiay bantay a Seir:

¹⁰ Dagitoy dagiti nagnagan dagiti annac a lallaki ni Esau: ni Eliphaz, anac ni Ada nga asawa ni Esau, ni Reuel, anac ni Basemath nga asawa ni Esau.

¹¹ Ket dagiti annac a lallaki ni Eliphaz isuda idi ni Teman, ni Omar, ni Zepho, ni Gatam, ken ni Cenaz.

¹² Ket ni Timna cabbalay idi ni Eliphaz, nga anac a lalaki ni Esau; ket inyanacna ken Eliphaz ni Amalec: dagitoy dagiti annac a lallaki ni Ada, asawa ni Esau.

¹³ Ket dagitoy dagiti annac a lallaki ni Reuel: ni Nahath, ni Zera, ni Samma, ken ni Mizza: dagitoy isuda idi dagiti annac a lallaki ni Basemath nga asawa ni Esau.

¹⁴ Ket dagitoy dagiti annac a lallaki idi ni Aholibama, nga asawa ni Esau, nga anac a babai ni Ana nga anac a babai ni Zibeon: ket isu nangyanac ken Esau cada Jeus, ken Jaalam, ken Cora.

¹⁵ Dagitoy dagiti pangpangolo cadagiti annac a lallaki ni Esau: dagiti annac a lallaki ni Eliphaz, nga inauna nga anac ni Esau: ni pangolo Teman, ni pangolo Omar, ni pangolo Zepho, ni pangolo Cenaz,

¹⁶ Ni pangolo Cora, ni pangolo Gatam, ken ni pangolo Amalec: dagitoy dagiti pangpangolo a pinutot ni Eliphaz idiay daga ti Edom; dagitoy dagiti annac a lallaki ni Ada.

¹⁷ Ket dagitoy dagiti annac a lallaki ni Reuel, anac a lalaki ni Esau: ni pangolo Nahath, ni pangolo Zera, ni pangolo Samma, ni pangolo Mizza, dagitoy dagiti pangpangolo a nagtaudda ken Reuel idiay daga ti Edom; dagitoy dagiti annac a lallaki ni Basemath, nga asawa ni Esau.

¹⁸ Ket dagitoy dagiti annac a lallaki ni Aholibama, nga asawa ni Esau: ni pangolo Jeus, ni pangolo Jaalam, ni pangolo Cora: dagitoy dagiti pangpangolo a nagtaudda ken Aholibama, nga asawa ni Esau, anac a babai ni Ana.

¹⁹ Dagitoy dagiti annac a lallaki ni Esau, ket dagitoy dagiti pangpangoloda: isu ti Edom.

²⁰ Dagitoy dagiti annac a lallaki ni Seir nga Horeo, dagiti agnaed iti daga: ni Lotan ken ni Sobal ken ni Zibeon ken ni Ana,

²¹ Ken ni Dison ken ni Ezer ken ni Disan: dagitoy dagiti pangpangolo a nagtaudda cadagiti Horeo, nga annac ni Seir, idiay daga ti Edom.

²² Ket dagiti annac a lallaki ni Lotan isuda idi da Hori, ken Hemam; ket ni Timna, cabsat a babai ni Lotan.

²³ Ket dagitoy dagiti annac a lallaki ni Sobal: da Alvan, ken Manahath, ken Ebal, ken Sepho, ken ni Onan.

²⁴ Ket dagitoy dagiti annac ni Zibeon: ni Aja ken ni Ana; daytoy daydi Ana a nacasarac cadagiti ub-ubbog a napudot idiay let-ang, idi impapaarabna dagiti as-asno ni amana a Zibeon.

²⁵ Ket dagitoy dagiti annac ni Ana: ni Dison ken ni Aholibama, nga anac a babai ni Ana.

²⁶ Ket dagitoy dagiti annac ni Dison: da Hemdan, Eshban, Ithram ken Cheran.

²⁷ Dagitoy dagiti annac ni Ezer: da Bilhan, Zaavan ken Acan.

²⁸ Dagitoy dagiti annac ni Disan: da Huz ken Aran.

²⁹ Dagitoy dagiti pangpangolo a nagtaudda cadagiti Horeo: ni pangolo Lotan, ni pangolo Sobal, ni pangolo Zibeon, ni pangolo Ana,

³⁰ Ni pangolo Dison, ni pangolo Ezer, ni pangolo Disan: dagitoy dagiti pangpangolo a naggapuda cadagiti Horeo, a maitutop iti pangpangoloda iti daga ti Seir.

³¹ Ket dagitoy dagiti ar-ari a nagturayda iti daga ti Edom idi awan pay mangituray nga ari cadagiti annac ni Israel.

³² Ket ni Bela nga anac a lalaki ni Beor nagari sadiay Edom; ket Dinaba ti nagan ti ilina idi.

³³ Ket ni Bela natay, ket nagturay a sonona ni Jobab, nga anac a lalaki ni Zera a taga Bosra.

³⁴ Ket ni Jobab natay, ket nagturay a sonona ni Husam iti daga dagiti Temanitas.

³⁵ Ket ni Husam natay, ket nagturay a sonona ni Adad nga anac a lalaki ni Badad, a nangsugat iti Midian iti away sadi Moab; ket ti nagan ti ilina idi Avith.

³⁶ Ket ni Adad natay, ket nagturay a sonona ni Samla a taga Masreca,

³⁷ Ket ni Samla natay, ket nagturay a sonona ni Saul a taga Rehoboth iti yan ti Carayan.

³⁸ Ket ni Saul natay, ket nagturay a sonona ni Baalanan nga anac a lalaki ni Achbor.

³⁹ Ket ni Baalanan anac a lalaki ni Achbor natay, ket simmono kencuana ni Adar: ket ti nagan ti ilina idi Pau; ket ti nagan idi ti asawana Meetabel, nga anac a babai ni Matred, nga anac a babai ni Mezaab.

⁴⁰ Ket dagitoy dagiti nagnagan dagiti pangpangolo a nagtaudda ken Esau, a mayannurot iti capuonanda, mayannurot cadagiti pagnaedanda, ken nagnaganda: ni pangolo Timna, ni pangolo Alva, ni pangolo Jetheth,

⁴¹ Ni pangolo Aholibama, ni pangolo Ela, ni pangolo Pinon,

⁴² Ni pangolo Cenaz, ni pangolo Teman, ni pangolo Mibzar,

⁴³ Ni pangolo Magdiel, ni pangolo Hiram: dagitoy dagiti pangpangoloda sadi Edom, a mayannurot cadagiti pagnaedanda iti daga a pagtagicuaanda. Daytoy isu ni Esau, nga ama dagiti Idumeo.