Ester 10 - Ti Biblia (1973)

Ti kinatan-oc ni Mardokeo.

¹ Ket nangicabil ni ari Asuero iti maysa a pagpabuis iti daga, ken cadagiti purpuro ti taaw.

² Ken amin dagiti aramid ti pannacabalinna ken ti kinamaingelna, ken ti pacasaritaan ti kinatan-oc ni Mardokeo, isu a nangitan-ocan kencuana ti ari, saanda aya a naisurat iti libro dagiti cronicas dagiti ar-ari ti Media ken Persia?

³ Ta ni Mardokeo a Judio isu idi ti sumaganad ken ari Asuero, ken dackel iti nagtengngaan dagiti Judio, ket inanamongan dagiti umariwecwec a cacabsatna, nga agsapul iti pagimbagan ti ilina ken agsao iti talna iti amin a caputotanna.