Dagiti Salmo 3 - Ti Biblia (1973)

Binigat a Cararag ti Panagtalec iti Dios. Salmo ni David, idi intalawanna ni Absalom nga anacna.

¹ Jehova, amangan ti yaadu dagiti cabusorco! Adu dagiti umalsa a bumusor caniac.

² Adu dagiti agcuna iti cararwac, awan ti tulong ti Dios kencuana. (Selah)

³ Ngem sica, O Jehova, ti maysa a calasag a manglawlaw caniac; ti dayagco, ken mamatan-oc iti uloc.

⁴ Awagac ni Jehova iti timecco, ket sungbatannac manipud iti turodna a nasantoan. (Selah)

⁵ Nagiddaac ket nacaturogac; nagriingac; ta ni Jehova saranayennac.

⁶ Diacto agbuteng cadagiti linaclacsa a tattao, a nailicmut a bumusor caniac.

⁷ Tumacderca, O Jehova, isalacannac, O Diosco: ta sica sinugatmo amin dagiti cabusorco iti sangida; rinumecmo dagiti ngipen dagiti nadangkes.

⁸ Ti pannacaisalacan maipabiang ken Jehova: ti bendicionmo maisaad coma iti ilim. (Selah)