1 Samuel 13 - Ti Biblia (1973)

Ti gubat cadagiti Filisteos. Ni Saul idiay Gilgal. Isu agaramid a simamauyong iti panagidatonna. Ti casasaad dagiti Israelitas nga awan ti igamda.

¹ Ni Saul uppat a pulo dagiti tawenna idi nangrugi nga agari; ket idi a nacapagari cadagiti dua a tawen iti Israel,

² Ni Saul nangpili ti agpaay kencuana iti tallo ribu a lallaki ti israel, dagiti dua ribu cadacuada addada idi ken Saul idiay Micmas, ken idiay bantay ti Bet-el, ket dagiti sangaribu addada idi ken Jonatan idiay Gabaa ti Benjamin ket ti natda iti umili isu imbaonna tunggal lallaki iti toldana.

³ Ket ni Jonatan kinabilna ti agbantay a buyot dagiti Filisteos, ken addada idi idiay Geba; ket dagiti Filisteos sumalogdanto caniac agingga Saul pinagumina ti tangguyob iti amin a daga, a kinunana, Denggen coma dagiti Hebreo.

⁴ Ket amin nga Israel nangngegda a masasao a ni Saul kinabilna ti agbantay a buyot dagiti Filisteos nga casta met a ti Israel naaddaanda ti kinaimon cadagiti Filisteos. Ket ti umili naurnong a nagtitipon a simmurot ken ni Saul idiay Gilgal.

⁵ Ket dagiti Filisteos naggigimongda a nagtitipon a makibacal iti Israel, tallopulo ribu a luglugan, ken innem a ribu a tattao a nagcacabayo, ken tattao a casda la iti darat nga adda iti igid ti baybay iti caadu: ket isuda simmang-atda, ket nagpacarsoda idiay Micmas, iti daya ti Bet-aven.

⁶ Idi a dagiti tattao ti Israel nakitada nga addada idi iti maysa a narigat a casasaad (ta ti umili nariribuc idi), idin ti umili naglemmeng cadagiti gucgucayab, ken samsamec, ken batbato, ken cadagiti socsocsoc, ken cadagiti bitbito.

⁷ Ita dadduma cadagiti Hebreo bimmallasiwda idi iti Jordan agingga iti daga ti Gad ken Galaad; ngem maipapan ken Saul, isu adda pay laeng idi idiay Gilgal, ket amin nga umili simmurot kencuana a sitatayegtegda.

⁸ Ket isu naguray bayat ti pito nga aldaw, a cas mayabuloy iti nakedngan a tiempo a ni Samuel tinudinganna idi: ngem ni Samuel saan nga immay iti Gilgal; ket ti umili nawarawara idi nanipud kencuana.

⁹ Ket ni Saul kinunana, Mangyegcayo caniac ditoy iti daton a mapuuran, ken dagiti datdaton ti cappia. Ket isu indatagna ti daton a mapuuran.

¹⁰ Ket naaramid nga apaman nga isu nagibusna ti panangidatagna iti daton a mapuuran, adtoy ni Samuel dimteng; ket ni Saul rimmuar a simmabet kencuana, tapno isu cablaawanna.

¹¹ Ket ni Samuel kinunana, Ania ti inaramidmo? ket ni Saul kinunana, Agsipud ta nakitac a ti umili nawara idi nanipud caniac, ken sica dica immay cadagiti al-aldaw a natudingan, ket dagiti Filisteos naguummongda idiay Micmas;

¹² Gapuna kinunac, Ita dagiti Filisteos nangngegda daydi. Ket ni iti Gilgal, ket siac saanac a nagdawat iti caasi ni Jehova: siac napilitac ngarud, ket indatagco ti daton a mapuuran.

¹³ Ket ni Samuel kinunana ken Saul, Nagaramidca a simamauyong; sica dica inaywanan ti bilin ni Jehova a Diosmo, nga imbilinna kenca: ta ita ni Jehova pinasingkedanna coma ti pagariam iti Israel iti agnanayon.

¹⁴ Ngem ita ti pagariam saanto a mataginayon: ni Jehova nangsapul ti agpaay kencuana iti maysa a lalaki a mayannurot iti pusona met laeng, ket ni Jehova isu tinudinganna a pangulo ti ilina, agsipud ta sica dica inaywanan daydi a ni Jehova imbilinna kenca.

¹⁵ Ket ni Samuel timmacder ket simmang-at nanipud Gilgal agingga iti Gabaa ti Benjamin. Ket ni Saul binilangna dagiti tattao nga adda idi kencuana, nga aginnem a gasut a lallaki.

¹⁶ Ket ni Saul ken ni Jonatan nga anacna a lalaki, ken dagiti tattao nga adda idi cadacuada, nagtaengda idiay Gabaa ti Benjamin: ngem dagiti Filisteos nagpacarsoda idiay Micmas.

¹⁷ Ket dagiti managsamsam rimmuarda a naggapu iti pacarso dagiti Filisteos a nagcatlo cabuyotan: ti maysa a cabuyotan nagsicco iti dalan nga agturong iti Ofra, agingga iti daga ti Sual.

¹⁸ Ket ti sabali a cabuyotan nagsicco iti dalan nga agpa-Bethoron; ket sabali a cabuyotan nagsicco iti dalan ti beddeng a tumannawag iti lobong ti Seboim nga agturong iti let-ang.

¹⁹ Idiay idi awan masaracan a mammanday iti isu-amin a daga ti Israel; ta dagiti Filisteos kinunada, di la ket ta dagiti Hebreo mangaramidda ti cucuada a camcampilan wenno gaygayang:

²⁰ Ngem amin dagiti Israelitas simmalogda cadagiti Filisteos tapno agasa tunggal lalaki ti subsubna, ken ti dingdingna, ken ti wasayna, ken ti gabionna;

²¹ Nupay isuda addaanda idi iti maysa a garugad a maipaay cadagiti gabion, ken cadagiti dingding, ken cadagiti carudcud, ken cadagiti wasay, ket pangisaadda cadagiti pagtugkic.

²² Iti casta naaramid idi aldaw ti gubat, nga awan idi ti campilan wenno gayang a nasaracan iti ima ti uray siasinoman cadagiti tattao nga adda idi ken Saul ken ni Jonatan; ngem ken Saul ken ni Jonatan nga anacna a lalaki nasaracanda idi.

²³ Ket ti agaywan a buyot dagiti Filisteos rimmuarda iti wangawangan ti Micmas.