1 Cronicas 7 - Ti Biblia (1973)

Dagiti caputotan da Issacar, Benjamin, Neftali, Manases, ken Efraim. Dagiti il-ili ti Efraim. Dagiti caputotan ni Aser.

¹ Ket dagiti annac a lallaki ni Issacar: da Tola, ken Pua, Jabsub, ken Simron, uppatda.

² Ket dagiti annac a lallaki ni Tola: da Uzzi, Refaias, ken Jenriel, ken Jamai, Jibsam, ken Samuel, pangpangoloen dagiti balbalay dagiti ammada, ammoen, ken Tola: lallaki a mannacabalin ken mamaingel cadagiti capounanda: ti bilangda cadagidi al-aldaw ni David duapulo ket dua a ribu ket innem a gasutda idi.

³ Ket dagiti annac a lallaki ni Uzzi: ni Izrahias. Ket dagiti annac a lallaki ni Izraias: da Micael, Obadias, Joel, ken Isaias, limada; isuda amin pangpangoloenda a lallaki.

⁴ Ket mainayon cadacuada, dagiti pinounpounda, a mayannurot cadagiti balbalay dagiti ammada, adda idi pangpangen ti buyot a maipaay iti gubat, a tallopulo ket innem a ribu: ta addaanda idi iti adu nga assawa a babbai ken annac a lallaki.

⁵ Ket dagiti cacabsatda iti tengnga dagiti amin a famfamilia ni Issacar, lallakida a mannacabalin ken mamaingel, nabilangda amin iti pinounpoun, walopuloda ket pito a ribu.

⁶ Dagiti annac a lallaki ni Benjamin: da Bela, Beker, ken Jediael, talloda.

⁷ Ket dagiti annac a lallaki ni Bela: da Esbon, Uzzi, ken Uzziel, Jerimot, ken Iri, limada; pangoloen dagiti balbalay dagiti ammada, lallaki a mannacabalin ken mamaingel; ket nabilangda idi iti pinounpoun, duapulo ket dua a ribuda ket tallopulo ket uppat.

⁸ Ket dagiti annac a lallaki ni Beker: da Zemira, Joas, ken Eliezer, ken Elioenai, Omri, ken Jerimot, Abias, Anatot, ken Alemet. Amin dagitoy isuda dagiti annac a lallaki ni Beker.

⁹ Ket nabilangda iti pinounpoun, a mayannurot cadagiti capcaputotan, pangoloen dagiti balbalay dagiti ammada, lallaki a mannacabalin ken mamaingel, duapulo a ribuda ket dua gasut.

¹⁰ Ket dagiti annac a lallaki ni Jediael: ni Bilhan. Ket dagiti annac a lallaki ni Bilhan: da Jebus, Benjamin, ken Aod, ken Cenaana, Zetan, Tarsis, ken Ahisahar.

¹¹ Amin dagitoy isuda dagiti annac a lallaki ni Jediael, a mayannurot cadagiti pangoloen dagiti balbalay dagiti ammada, lallaki a mannacabalin ken mamaingel, sangapulo ket pito a ribuda ket dua gasut, a cabaelanda ti mapan iti buyot a maipaay iti gubat.

¹² Ni Suppim met, ken ni Huppim, dagiti annac a lallaki ni Hir, ni Husim, dagiti annac a lallaki ni Aher.

¹³ Dagiti annac a lallaki ni Neftali: da Jaziel, Guni, Jezer, ken Sallum, nga annac a lallaki ni Bilha.

¹⁴ Dagiti annac a lallaki ni Manases: da Asriel, nga impasngay ti camalalana nga Aramita; isu impasngayna ni Makir nga ama ni Galaad.

¹⁵ Ket ni Makir nangala iti maysa nga asawa cada Huppim ken Suppim, a ti nagan ti babai a cabsatda Maaca; ket ti nagan ti maicadua Salfaad; ket ni Salfaad addaan idi cadagiti annac a babbai.

¹⁶ Ket ni Maaca nga asawa ni Makir nangipasngay iti maysa nga anac a lalaki, ket ninaganna iti Peres; ket ti nagan ti cabsatna a lalaki Seres; ket dagiti annacna a lallaki isuda Ulam, ken Recem.

¹⁷ Ket dagiti annac a lallaki ni Ulam: ni Bedan. Dagitoy isuda dagiti annac a lallaki ni Galaad nga anac a lalaki ni Makir, nga anac a lalaki ni Manases.

¹⁸ Ket ni Hamoleket a babai a cabsatna impasngayna da Ishod, ken Abiezer, ken Mahala.

¹⁹ Ket dagiti annac a lallaki ni Semida isuda Ahian, ken Sikem, Licci, ken Aniam.

²⁰ Ket dagiti annac a lallaki ni Efraim: da Sutela, ken Bered anacna a lalaki, ken Tahat anacna a lalaki, ken Elada anacna a lalaki, ken Tahat anacna a lalaki,

²¹ Ken ni Zabad anacna a lalaki, ken ni Sutela anacna a lalaki, ken ni Ezer, ken ni Elad, isuda a pinatay dagiti lallaki ti Gat a nayanac idiay a daga, agsipud ta simmalogda idi a mangiccat cadagiti vacvacada.

²² Ket nagdung-aw ni Efraim nga amada bayat iti adu nga aldaw, ket immay dagiti cacabsatna a mangliwliwa kencuana.

²³ Ket isu simrec ken ni asawana a babai, ket isu nagsicug, ken nangipasngay iti maysa nga anac a lalaki, ket ninaganna iti Beria, agsipud ta ti dakes kimmuyog idi iti balayna.

²⁴ Ket ti anacna a babai isu ni Seera, isu a nangbangon iti Bet-oron nga akinbaba ken akinngato, ken ti Uzzen-seera.

²⁵ Ket ni Refa isu ti anacna a lalaki, ken ni Resef, ken ni Tela anacna a lalaki, ken ni Taan anacna a lalaki,

²⁶ Ni Laadan anacna a lalaki, ni Ammiud anacna a lalaki, ni Elisama anacna a lalaki,

²⁷ Ni Nun anacna a lalaki, ni Josue anacna a lalaki.

²⁸ Ket dagiti cucuada ken pagtaenganda isuda ti Bet-el ken dagiti il-ilina, ken iti agpadaya ti Naaran, il-ilina; ti Sikem met ken dagiti il-ilina, agingga iti Asa ken dagiti il-ilina;

²⁹ Ket cadagiti bedbeddeng dagiti annac ni Manases, ti Bet-sean ken dagiti il-ilina, ti Tanac ken dagiti il-ilina, ti Megiddo ken dagiti il-ilina, ti Dor ken dagiti il-ilina. Cadagitoy ti nagtaengan dagiti annac ni Jose nga anac ni Israel.

³⁰ Dagiti annac a lallaki ni Aser: da Imna, ken Isua, Isui, ken Beria, ken ni Sera a cabsatda a babai.

³¹ Ket dagiti annac a lallaki ni Beria: da Heber, ken Malkiel, nga isu ti ama ni Birzabit.

³² Ket ni Heber pinutotna da Jaflet, Semer, ken Hotam, ken Sua a cabsatda a babai.

³³ Ket dagiti annac a lallaki ni Jaflet; da Pasac, Bimhal, ken Asvat. Dagitoy isuda dagiti annac ni Jaflet.

³⁴ Ket dagiti annac a lallaki ni Semer: da Ahi, Roega, Jehubba, ken Aram.

³⁵ Ket dagiti annac a lallaki ni Helem a cabsatna a lalaki: da Sufa, Imna, Selles, ken Amal.

³⁶ Dagiti annac a lallaki ni Sufa: da Sua, Harnafer, ken Sual, ken Beri, ken Imra,

³⁷ Ni Beser, Hod, ken Samma, ken Silsa, Itran, ken Beera.

³⁸ Ket dagiti annac a lallaki ni Jeter; da Jefone, Pispa, ken Ara.

³⁹ Ket dagiti annac a lallaki ni Ulla: da Ara, Hamiel, ken Resia.

⁴⁰ Amin dagitoy isuda idi dagiti annac ni Aser, pangoloen dagiti balbalay dagiti ammada, napilida a lallaki a mannacabalin ken mamaingel, cangronaan cadagiti pangpangoloen. Ket ti dagup dagiti nabilang iti pinounpoun a maipaay iti panagservi iti gubat duapuloda ket innem a ribu a lallaki.