Biblia Todo Logo
Bìoball air-loidhne

- Sanasan -

1 TESALONISENSES 1 - Tatuyo: Dio Wadarique


Pablo y sus compañeros escriben a la iglesia de Tesalónica

1 Yʉ Pablo yʉ mena macana mena Silvano, Timoteo mena ati pũuro mʉjaare yʉ queti joo Tesalónica macanare Dio mani Pacʉ yarãre, mani Ʉpaʉ Jesucristo yarãre. Caroaro mʉjaare jã ñuu roti, yeri wariñuuriquere mʉjaare Dio cʉ̃ joato ĩirã.


El ejemplo de fe que daban los de Tesalónica

2-4 Mani Ʉpaʉ Jesucristore cʉ̃re apiʉja nʉcʉbʉgorã caroaro mʉja átinucu. Ca-ame mairã aniri aperãre caroaro na mʉja átinemonucu. Mani Ʉpaʉ Jesucristore mʉja tʉgooña janaquẽe. Dio cʉ̃ ca-mairã, cʉ̃ ca-bejericarã mʉja ãa. To bairo mʉja nipetirã mʉja ca-bairijere tʉgooñari, “Ñuu majuucõa,” jã ĩi wariñuunucu Diore. To bairi to canacã ni mani Pacʉ Diore cʉ̃ jeni nʉcʉbʉgorã jã jenibojanucu mʉjaare.

5 Jã yarã, Jesucristo ye quetire mʉjaare buiorã, cawatoana jã majuuna jã ca-buiorije jeto meere jã ca-ĩiwʉ. Dio Catírique Espíritu Santo tʉgooña tutuariquere jãare cʉ̃ ca-jooro caroaro jã ca-majiowʉ mʉjaare. To bairo Jesú ye quetire jã ca-ĩi buioro apirã caroaro mʉja ca-apiʉjawʉ. “Cariapena buioma,” mʉja ca-ĩi api nʉcʉbʉgowʉ. Mʉja majirã. Mʉja tʉpʉ ãnaa caroaro jã cá-átinucuwʉ, caroaro na apiʉjaato ĩirã.

6 To bairi Jesú ye quetire jã ca-buioro caroaro mʉja ca-apiʉjawʉ aperã mʉjaare na ca-matagarije to ca-anibato quena. Dio Espíritu Santo wariñuurique mʉjaare cʉ̃ ca-jooro tie quetire mʉja ca-apiʉjawʉ seeto popiye tamuobana quena. To bairi jãare bairona cá-átajecʉna mʉja ca-ãmʉ. To bairi mani Ʉpaʉ Jesú quena cʉ̃re bairona cá-átajecʉna mʉja ca-ãmʉ.

7 To bairona mʉja cá-áto tʉjʉrã Macedonia yepa macana, Acaya yepa macana quena Jesucristore ca-apiʉjarã, “Nare bairo manire cá-átipe ãa,” ca-ĩi tʉgooñañupa mʉjaare.

8-10 To bairi mani Ʉpaʉ Jesú ye quetire na mʉja ca-buio neto jooyupa aperãre Macedonia yepa macanare, Acaya yepa macanare. Nipetiropʉ Diore mʉja ca-apiʉjarijere ca-apirã oco bairo ĩima mʉjaare: “Pablo jãare caroaro na ca-ani rotiyupa Tesalónica macana na tʉpʉ na ca-ejaro. Diore apiʉjari na majuuna na ca-weericarãre Dio ca-aniquẽnarena na cá-áti nʉcʉbʉgobatajere ca-janañupa. To bairi Diore ca-jocaquẽcʉ macare, ca-catiire áti nʉcʉbʉgoma yucʉra,” ĩima mʉjaare. Dio Macʉ cʉ̃ ca-bai yajiro bero ca-catí tunucoajupi. Catí tunu, ʉmʉrecóopʉ tunu aá, cabero ati yepapʉ rui atígʉmi tunu. Jõ bui ca-ãnacʉ ati yepapʉ tunu atíri cʉ̃re ca-apiʉjaquẽnare na popiyeyegʉmi. To bairi mani maca cʉ̃re ca-apiʉjarã mani ca-ano manire cʉ̃ ca-popiyeyeboriquere manire ca-netoobojaʉ ãmi Jesú. “Dio Macʉ jõ bui ca-wamʉ aátacʉ cʉ̃ ca-tunu atípere yuuma,” ĩima mʉjaare. Jã maca to bairo mʉja ca-apiʉjarijere nare jã ca-buioquẽtie to ca-anibato quena, meere, to bairona mʉja ca-apiʉjarijere majima aperori macana mʉjaare.

© 2019, Wycliffe Bible Translators, Inc. All rights reserved.

Wycliffe Bible Translators, Inc.
Lean sinn:



Sanasan