Yohana 7 - Sumu Yedi ya Isa Masiya 1906 Kitamo 1897 Malumbo 1905

¹ Kutera Isa akasela ghati ya Galilaya, na tekundie kusela ghati ya Uyahudi amu wakakunda Wayahudi kumkoma.

² Ikaoka afuhi itasi la Wayahudi, niyo la maanda.

³ Wakamburra wanduwawo wakwe, Wukaho na tonga hako Uyahudi, waanaloshwa wako waviwone vindu uviareha.

⁴ Teareha kindu mundu giliwata, ekikunda kuwonwa. Ukiareha ama ukuarehe uwonwe na masanga.

⁵ Amu wanduwawo wakwe tewemwitikija.

⁶ Akawawurra Isa, Saa yangu teyameza, saa yenyu misi ose yaidivika.

⁷ Temeidima masanga kumregija unwi; meniregija mi amu nimetetie ti viareho vyakwe viwiwi.

⁸ Unwi mulikoie itasi, mi silikoia itasi ili, amu saa yangu teyameifika.

⁹ Ekiteta ama akaikaa ghati ya Galilaya.

¹⁰ Wekinatonga wandu wawo wakwe naye akalitongia itasi, si hena some, nde sandu hena giliwata.

¹¹ Wayahudi wakamwenda ghati ya itasi, wakateta, Ehohi?

¹² Na vininunuwiko vingi hena vindu vyakwe ghati ya matorano. Weingi wakateta, Ni wedi. Weingi wakateta. Siyo, kake ekeleka wandu.

¹³ Na mundu temtetie na some hena kuondoka Wayahudi.

¹⁴ Mtano ghati ya itasi akakwea Isa ghati ya hekalu akaelosha.

¹⁵ Wayahudi wakatalwa wakateta, Etisiwaze uu kichei esiloshijwe?

¹⁶ Akawatalwa Isa akateta, Kichei changu si changu, nde chakwe eniingije.

¹⁷ Ula ekundie kuviareha evikunda, enetisiwa kichei, ti nicho cha Izuwa kana mi nateta na kucha kwangu tiki.

¹⁸ Eteta na kucha kwakwe ekunda kuisiswa mwenye; ekundie aisiswe ula emwingije, niye wa kididi, na teioho hakwe nde viedi.

¹⁹ Siye Musa emwingie torati, na tehena henyu eiareha torati? Nikini mkundie kunikoma?

²⁰ Matorano wakatalwa, wakateta, Una shetani, niani ekundie kukukoma?

²¹ Akatalwa Isa akawawurra, Niarehie kiteto kimwe mkarigiwa wose.

²² Musa emwingie kutawanwa (na si ha Musa nde ha kaka) na musi wa sabato mtawana mundu.

²³ Mundu ekiwona kutawanwa musi wa sabato, torati ya Musa isibaike, mwaregija amu namhodja mundu kuoka mwenye zinya musi wa Sabato?

²⁴ Musichile na meso, chileni uchili wa kididi.

²⁵ Wakateta weingi Wayerusalemi, Siye uu wemkundie wemkome?

²⁶ Yoa, eteta hena some na tewemtetie kiteto. Watisiwa kididi wabaha ti niye Masiya?

²⁷ Kake tumtisiwe uu eoho, Masiya enekaza temtisiwe mundu eoho.

²⁸ Akang’ola ighonda ghati ya hekalu ekielosha Isa, akateta, Mwanitisiwa na mi na uko nioho, na sizie na mburi yangu mi, kake niye mwenye kididi eniingije msimaije unwi.

²⁹ Kake mi namtisiwa, amu nafuma hakwe, naye niye eniingije.

³⁰ Wakakunda kumgura, na mundu temgera mkono amu saa yakwe teimefika.

³¹ Wengi wa ghati ya matorana wakamwitikija, wakateta Masiya ekiza eneng’ola maluanc kukela un emaarehe.

³² Wakasikia Mafarisayo matorano wekimaninunuwia ama. Wakamwingijia wakohani wabaha na Mafarisayo njama wamgure.

³³ Akateta Isa, Niinda kadongo henyu mi, ninetonga hakwe eniingija.

³⁴ Mnenienda, tomuneniwona, na mi nioho tomuneidima unwi kuza.

³⁵ Wakawurrana Wayahudi, Enetongahi un, uswi tusimbone? Enetonga hawo wegawanyeke ghati ya mbari enemaelosha mbari?

³⁶ Kiteto ani iki ekitetie, Munenienda, na tomuneniwona, na mi nioho tomuidima unwi kuza?

³⁷ Musi wa kuidiwa iye mbaha wa itasi, akaimuka Isa, akang’ola ighonda, akateta, Mundu ekiwona ngiru, anizie mi anywe.

³⁸ Ula eniitikija mi, sandu meteta matamo, mifuro ya mbombe ya moo inefuma ghati ya ndeni hakwe.

³⁹ Akaitetia ama Ngoma weneingiwa wala wemwitikija, amu Ngoma Yedi teioho ngeriaha, amu Isa temeguriwa nganyi.

⁴⁰ Weingi wa ghati ya wandu wekivisikia viteto, wakateta, Niye nabii kididi.

⁴¹ Weingi wakateta, Niye Masiya. Weingi wakateta, Tefuma Masiya ghati ya Galilaya.

⁴² Temateta matamo ti ghati ya wawonwa wa Daudi na ghati ya Betlehemu kaa Daud eoho, Masiya enefuma?

⁴³ Matorano makatana amu yakwe.

⁴⁴ Weokie hawo wekundie kumgura kake mundu temgera mkono.

⁴⁵ Wakaza njama wa wokahani wabaha na Mafarisayo, awa wakawawurra, Nikini mwasamwete?

⁴⁶ Wakatalwa njama, Tehena mundu pia eteta sa mundu uu.

⁴⁷ Wakawatalwa Mafarisayo, Mtano na unwi mkakengika?

⁴⁸ Mundu ani emwitikija ghati ya wabaha, au ghati ya Mafarisayo?

⁴⁹ Kake matorano ama mesitisiwe torati mararwa.

⁵⁰ Akawawurra Nikodemo (ula emzia kio, ekioka mwe wawo).

⁵¹ Uteto wetu umchilia mundu, esiokie kuwoka esikiwa, eviarehavyo vyatisiwika?

⁵² Wakatalwa, wakamburra, Na we wafuma ghati ya Galilaya? Enda na yoa, amu nabii tewuka ghati ya Galilaya.

⁵³ Wakatonga hawo wandu wose nyumbani hakwe.