Yohana 16 - Sumu Yedi ya Isa Masiya 1906 Kitamo 1897 Malumbo 1905

¹ Ama nimburrie, musiregije.

² Wenemng’ola ghati ya masunagogi, mtano saa yaza ula emkoma enewona ti amwarehia Izuwa nganyi.

³ Ama wanemaareha amu tewemtisiwe kana Apa kana mi.

⁴ Kake ama namburra, saa ikiza mmakumbuke ti mi namburra, Simburrie ama kuwoka, amu ya kuoka mi henyu.

⁵ Ngeriaha natonga hangu hakwe eniingije, na mundu wenu tenibujanya, Otongahi?

⁶ Kake amu namburra ama ngoro jenyu jaizua wukiwa.

⁷ Kake namburra kididi, yambe mi nitonga hangu amu mi nisitonge, Mhoo tenemzia, kake nikitonga ninemwingija henyu.

⁸ Naye ekiza enemachilia masanga hena kutekwa na kiedi, na uchili.

⁹ Hena Kutekwa, amu teweniitikija.

¹⁰ Hena kiedi, amu natanga hakwe Apa na unwi tomuniwonawa.

¹¹ Hena uchili, amu mbaha wa masanga ama echiliwa.

¹² Nina vingiwa nimburra, kaketomuidima kuviuhia ngeriaha.

¹³ Mtano enekaza ula Ngoma ya kididi, enembondja nzia ya vyose viokie vya kididi: amu teneteta na mburi yakwe mwenye ye, kake enevisikia nivyo eneviteta, naye enembondja vindu vineoka.

¹⁴ Ye eneniguria nganyi amu eneuha ghati ya viokie vyangu, enembondja unwi.

¹⁵ Vyose ena Apa nivyo vyangu: amu ii nateta, eneuha ghati ya vyoho vyangu, enembondja unwi.

¹⁶ Hadongawa tomuneniwona, kutera hadongo muneniwona amu natonga hakwe Apa.

¹⁷ Wakateta waanaloshwa wakwe wonawo, Nikini iki ekuteta, Hadongo, tomuneniwona, kutera hadongo muneniwona, na, amu natonga hakwe Apa.

¹⁸ Wakateta, Nikini iki ateta, Hadonga? na totutisiwe iki ateta.

¹⁹ Akatisiwa Isa ti wekundie kumbujanya, akawawurra, Nikini muenda unwi na unwi, amu nitetie, Hadongo tomuneniwona, kutera hadongowa muneniwona?

²⁰ Amin, amin, namburra, muneyengayenga masoji, na muneiya unwi, kake masanga menezihirwa; unwi munewona ukiwa, kake ukiwa wenyu weneoka kuizihirwa.

²¹ Mche ekiwona awona ukiwa, amu saa yakwe yaza, mtano mwana ekinewona tekumbukawa kuwawiwa, amu ya kuizihirwa kwa kuwonwa mundu ghati ya masanga.

²² Na unwi ngeriaha muna ukiwa: ninembonawa na kuizihirwa kwenyu mundu tembushijia.

²³ Musi ula tomuneniomba kindu, Amin, amin namburra, ti vindu vyose munekunda hakwe Apa hena izina langu, enemwinga.

²⁴ Mtano yoo tomukunda kindu hena izina langu: kundeni, muneingwa, kuizihirwa kwenyu kufike.

²⁵ Amu namburra ni mifanano, saa yaza sinemburrawa na mifanano, kake ninembondja hena some vindu vyakwe Apa.

²⁶ Musi ula munekunda hena izina langu, na simburra ti mi ninemwombea hena Apa:

²⁷ Amu Apa emkunda ye mwenye, amu munikundie mi na mwitikije ti nifumie hakwe Apa.

²⁸ Nifumie hakwe Apa, nikaza masangeni, nimashigawa masanga nikitonga hakwe Apa.

²⁹ Wakamburra waanaloshwa wakwe, Ngeriaha wateta hena some, na tuteta mfanano.

³⁰ Ngeriaha twatisiwa ti wavitisiwa vyose, na tomkundie mundu akubujanye, huwo twatisiwa ti wafumie hakwe Izuwa.

³¹ Akawatalwa Isa, Ngeriaha mwaitikija?

³² Yoa, saa yaza, mtano ngeriaha yaidiwa kuza, mumeghawanyika wandu wose hakwe, munenishiga mi mwenye, kake mi si mwenye, amu Apa eoka hamwe nami.

³³ Namburra ama muwone kiboha hangu; ghati ya masanga munenyamarwa; kake muoke na ngoro mbaha, mi namaitoria masanga.