Wakwe Yakobo 5 - Sumu Yedi ya Isa Masiya 1906 Kitamo 1897 Malumbo 1905

¹ Nize ingeriaha, unywi wamazi, iyeni na lozeni, hena mawasi menemuzia.

² Mali menyu mewoa, na suke‐ja‐kudoka jenyu jaliwa ni ndondoghoro.

³ Thahabu yenyu na fetha yenyu jabighwa ngeu; na ngeu yawo ineoka hena shuhuda wanga yenyu, na inela nyama yenyu sa moto. Mwakuwisia sule jenyu hena misi ya kuidiwika.

⁴ Yoeni, wuesi wa wahiri wefindika mbuwa jenyu, musiung’ola hena ukeleki, wuiya: na maiyo mawo wala wefindika meingia na masikio ma Mzuri wa Sabaoth.

⁵ Mwaikaa na vyedi masangeni, na mwakuiseja: mwakurisha ngoro musi wa masinzo.

⁶ Mwachilia, mwamkoma mwenye ngalo: telelanaye na unywi.

⁷ Hena lwa iyo gumurieni, wandwetu, mtano kuza kwa Mzuri. Yoa, mwimi ainda mawonwa medi ma masanga, ekigumiria henamo, mtano meuhia mvua ya kuwoka na ya kuidiwika.

⁸ Na unywi pia gumirieni: duwijeni ngoro jenyu; amu kuza kwakwe Mzuri kwasongeria.

⁹ Musinunuwike, wandwetu, mwe wanga ya mughenji, msiwone kuchiliwa: yoeni, mchili eimuka mbengeni.

¹⁰ Uheni, wandwetu, hena fwana ya kuwawiwa na kugumiria, waroti wetetie hena izina la Mzuri.

¹¹ Yoa, twawaitanga wetasiwa wala wegumirie: mwasikia mburi ya kugumiria kwakwe Ayub, na mwawona mwidiwiko wa Mzuri, nize Mzuri ena lusario lwingi, na ni mwenye lunini.

¹² Kake wanga ya vindu vyose, wandwetu, musirare, nete hena wanga, nete hena masanga, nete hena kiraro kingi: kake henyu vioke Ee, ee, na Hai, hai; musigwe ghati ya wuchili.

¹³ Mundu wa henyu ewawiwa? aombe.

¹⁴ Mundu eizihirwa? avine luisiso. Mundu wa henyu ewajuwa? awaitange waghosi wa kanisa, na wamwombie wekimgera mafuta hena izina la Mzuri:

¹⁵ na kuomba kwa luitikijo kunemkija ula ewajuwa, na Mzuri enembushija; na kwakicha eketie ng’oki, eneshighiwa.

¹⁶ Hena lwa iyo ghambianeni ng’oki jenyu unywi hena unywi, mureombieni, mbone kuhojwa. Kuomba kwa mwenye ngalo kuiduwayu.

¹⁷ Eliya eokie mundu wa mboneka mwe na uswi, akaomba muno mvua isibighe, na taibighayo mvua masangeni miaka matatu na mieji mitandatu.

¹⁸ Akaombawa; wanga jikang’ola mvua, isanga likang’ola mawonwa makwe.

¹⁹ Wandwetu, mundu wa henyu ekitekwa ghati ya kididi, na mundu ekimgharusha;

²⁰ atisiwe, ti ula egharusha mwenye ng’oki ashighe kuteshanya kwa nzia yakwe, enekija ngoma ghati ya kifwa, na enefinikira ng’oki nyingi.