Ujughuo 6 - Sumu Yedi ya Isa Masiya 1906 Kitamo 1897 Malumbo 1905

¹ Nikawone kadorome ekinaichungue mwe ya jila muhuri fungate, nikasikia mwe wa wala wanne wenye‐moo ekiteta sa na ighonda la kururuma, Nzoo.

² Nikawona, na yoa, frasi nyewa, na ula eikee wanga eokie na wuta; akaingwa lumerisia: akawotoka ekilela, na alele.

³ Ekinaichungue muhuri ya keri, nikamsikia mwenye‐moo wa keri ekiteta, Nzoo.

⁴ Frasi ungi akafuma, frasi ngundu: na ula eikee wanga akaingwa kung’ola luworo masangeni, na wakomane: akaingwa muhandi mbaha.

⁵ Ekinaichungue muhuri ya katatu, nikamsikia mwenye‐moo wa katatu ekiteta, Nzoo. Nikawona, na yoa, frasi njiru: na ula eikee wanga akaoka na mizani mkononi hakwe.

⁶ Nikasikia sa ighonda ghati na ghati ya wala wanne wenye moo likiteta, Ghesho la ngano hena robo, na vighesho vitatu vya shayiri hena robo: na mafuta na mvinyo usinyamare.

⁷ Ekinaichungue muhuri ya kanne, nikasikia ighonda la mwenye‐moo wa kanne likiteta, Nzoo.

⁸ Nikawona, na yoa, frasi nyewanyewa, na ula eikee wanga yakwe, izina lakwa Kifwa; Ahera akaraterana naye. Wakaingwa zinya wanga ya ifungu la kanne ya masanga, kukoma na muhandi, na nzaa, na kifwa, na nyama jikaehe ja masanga.

⁹ Ekinaichungue muhuri ya kasano, nikawona si ya kisiko ngoma jawo jikomiwe hena kiteto kya Izuwa, na hena mburi weigurie:

¹⁰ wakaiya na ighonda ibaha, wekiteta, Mtano rini, Ee Mzuri, Mshenete, na wa‐kididi, usichilie na usiihijie lawi sakame yetu wanga yawo wetua masangeni?

¹¹ Wakaingwa wose mwemwe suke nyewa; wakawurrwa wasoghoke hena magheri madongo, mtano wazoro waghenji wawo na wandwawo, wenekomwa sandu woo wekomiwe, weneikawefishwe.

¹² Nikawona ekinaichungue muhuri ya katandatu, kukaoka kudedema kubaha kwa si; nzano ikagharuka kuoka nyiru sa suke‐ya‐nyui, na mweji ose ukaoka sa sakame;

¹³ ndondo ja wanga jikagwa masangeni, sa mtini utagha tini mbisi jakwe, ukidedemishwa na ngungu mbaha.

¹⁴ Wanga ikawushijwa sa karatasi ikikodwakodwa; na nduwi yose na kidara kyose kikasamijwa kufuma handu hawo.

¹⁵ Wafumwa wa masanga, na njama, na wachili, na wamazi, na wenye zinya, na mundu ose, mzoro na esimzoro, wakakuwisa ghati ya mbako na mabwe na nduwi;

¹⁶ na wajiwurra nduwi na mabwe, Tugwieni, mutuwise hena wushoni hakwe eikee wanga ya kiikayo, na hena oro ya Kadorome:

¹⁷ amu musi mbaha wa oro yawo wafika; na niani eidima kuimuka?